КЕД МІ ПРИШЛА КАРТА НАРОКОВАЦ

Кед мі пришла карта нароковац,
Став я свого няня дошиковац:
Няню, ви, мій няню, зробте таку волю,
Идте за ня служиц на ту войну.

Кедь мі пришла карта нароковац,
Став я музикантів дошиковац:
Гей, ви, музиканти, заграйте мі чардаш,
Най я сой погулям в той молодий час.

Стали музиканти чардаш грати,
Стали мі ся сльози з очей ляти,
Нихто не заплаче: ни отец, ни матка,
Лем за мном заплачут три дівчатка.

А єдна заплаче, бо я єї брат.
А друга заплаче, бо я єї сват.
А третя заплаче, бо плакати мусит,
Бо вона од мене перстен носит.

слова Чулик Ілля, село Крампна

Антологія лемківської пісні /Упорядник М. Байко/. — Львів, Видавнича фірма «Афіша», 2005

Залишити відповідь

Ваша e-mail адреса не оприлюднюватиметься. Обов’язкові поля позначені *