ОЙ ЛЮЛЯЙ ЖЕ МІ, ЛЮЛЯЙ (колискова)

Ой люляй же мі, люляй,
Кед мі маш люляти,
Бо я тебе не мам
Коли колисати.

Ни я тебе не мам
Коли колисати.
Ни я тобі не знам
Красні заспівати.

А люляй мі, люляй,
Пренайкращий пташку.
Нашто я тя ховам
На ту біду тяжку.

Люляй же мі, люляй,
Дітятко маленьке.
Дітятко маленьке,
Красне, білюсєньке.

А люляй мі, люляй,
Сиви очка стуляй,
Сама бим стуляла,
Кебим сиви мала.

А люляй мі, люляй,
Мій сивий голубе,
Хто тя заколише,
Як мене не буде?

А люляй мі, люляй,
Кед мі маш люляти,
Як мі будеш спати,
Вшию ти кабатик.

А усний мі, усний,
Великий виросний,
Ангел тя зобудит,
Він тебе рад видит.

МАТИ ДОНЮ КОЛИСАЛА (колискова)

Мати доню колисала,
Колихаючи, співала:
— Спи, дитинко, треба спати.
Коло тебе рідна мати.
— Спи, дитинко, треба спати.
Коло тебе рідна мати.

Я тебе нагодувала,
І накрила, і приспала.
Колишу тебе, співаю:
Спи, дитинко, баю-баю.
Колишу тебе, співаю:
Спи, дитинко, баю-баю.

ЛЮЛЯЙ, СИНОЧКУ МІЙ (колискова)

Люляй, люляй, синочку мій,
Не буд такий, як отец твій.

Бо твій отец гультаіско,
Пропив в корчмі сорочиско!

Люляй, люляй, синку младий,
Пішов отец на розгади.

Пішов, пішов розгадати,
Чим тя має виховати.

ЛЮЛЯЙ ЖЕ МІ, ЛЮЛЯЙ, КОЛИШУ Я ТЕБЕ (колискова)

Люляй же мі, люляй, колишу я тебе,
А як ти мі заснеш, то я лишу тебе.

Люлю же мі люлю, під зелену дулю,
Дуля ся розвиє і тебе прикриє.

Колисала бим тя і водни і вночи,
Жебим ся по тобі діждала помочи.

Люляй же мі, люляй, Пан-Біг тебе приспит,
Син Божий тя збудит, бо дітину любит.

Колиш же ся, колиш, колисочко сама,
Жебим я си пішла до роботи зрана.

Люляй же ся, люляй, лем ся не скатуляй,
З той новой колиски до чорной землички.

Ой сину, мій сину, я про тебе гину,
Ни во дни, ни вночи- нигда не спочину.

Ой люляй мі, люляй, мій сину молодий,
Як ся постарію, подаш мі хоц води.

Люляй же мі, люляй, моє мале дитя,
Бо я з тобом піду до гаю по квітя.

ЛЮЛЯЙ ЖЕ МІ, ЛЮЛЯЙ, КЕД МІ МАШ ЛЮЛЯТИ (колискова)

Люляй же мі, люляй, кед мі маш люляти,
Бо я не мам коли тебе колисати. (Двічі)

Люлю же мі люлю, де я тя притулю?
Під зелену сосну, ягідку розкошну. (Двічі)

Люлю же мі люлю, вшию ти кошулю,
Вшию тобі зо дві, лем мі люляй добрі. (Двічі)

Люлю же мі люлю, вшию ти кошулю,
Як мі будеш спати, вшию і кабатик. (Двічі)

Усний же мі, усний, великий виросний,
Великий як і я, білий, як лелия. (Двічі)

Люляй же мі сину, хоц єдну годину,
Усний мі і зо дві, даст ти Пан-Біг добрі. (Двічі)