Вшитки ся поля зазеленіли,
Моя пшеничка не сходит.
Мала я хлопця возлюбленого,
Але юж до мя не ходит.
Не лем пшеничка, не лем пшеничка,
Але і жито не сходит.
Под ку мі, хлопче, мій кучерявий,
Бо мене серце барз болит.
Гей, ти, мій хлопче, мій кучерявий,
Чом ти до мене не ідеш?
Ци мя не любиш, ци юж мя не хцеш,
Ци може іншу любуєш?
Лем си не думай, лем си не мислий,
Же тя даколи забуду.
Буду тя ждала і виглядала,
Докля щаслива не буду.
Записав Михайло Соболевський, село Костарівці
Антологія лемківської пісні /Упорядник М. Байко/. — Львів, Видавнича фірма «Афіша», 2005