ОЙ ПІДУ Я МЕЖИ ГОРИ

Ой піду я межи гори,
Там, де жиют лемки,
Там не мают чим світити,
Та сідят потемки.

Ой піду я меже гори
Там, де жиют бойки,
Там музика дрібно грає,
Скачут полегойки.

Ой ти, лемку, ой ти, лемку,
Ти поганська віра.
Твоя жена в середоньку
Солонину їла.

Ой ти, бойку, ой ти, бойку,
Твоя ищи гірша.
Твоя їля і в п’ятницю,
А п’ятниця більша.

Пішов бойко до костела,
Там органи грали.
Як си тупнув ходачками,
Аж му огня дали!

Бойко вмер, бойко вмер,
А бойчиха плаче.
А маленьке бойценя
На припецку скаче…

Бойко вмер, бойко вмер,
Бойкови дзвонили.
Як ся бойко зорвав з лави,
Ледве догонили.