Будеш ти, мамичко, горенько плакати,
Як ти буде єдна лижка зоставати.
Зостане ти лижка і в полю робота,
Будеш ти плакала, як бідна сирота.
Далас мене, мамо, за третю границю,
Жеби м не ходила до тя по жентицю.
Ани по жентицю, ани по молоко,
Далас мене, мамо, од себе далеко.
Вибивай, мамичко, зо стіни клиночок,
Де Ганця вішала зелений віночок.
Буд здрава, землице,
Йду к Америце,
Йду зарабяц піняз.
Буд здрава, сестричко,
Не плачте, мамичко,
Ищи к вам верну даколи зас.
Буд здраве, миленьке,
Дівчатко шварненьке,
Што-м тя так миловал барз.
Ждий на мя кусціся,
Даст Бог, што вернуся
І так ся будем миловац зас.
Поїхав за гори,
За ліси, за море,
Ждали го барз довгий час.
Деси в Америце
Спочиват в землице,
Юж ся не верне нигда к нам зас.
Бувайте здорові, дорогі пороги, (Двічі)
Що по вас ходили, що по вас ходили
Мої білі ноги.
Бувайте здорові і мої віконця, (Двічі)
Що я вас вмивала, що я вас втирала
Перед сходом сонця.
Бувайте здорові, ви, мої образи, (Двічі)
Щом вас приберала, щом вас приберала
Тими рушниками.
Бувайте здорові і столи, і лави, (Двічі)
Що я вас вкривала, що я вас вкривала
Тими обрусами.
Бувай же здорова, ти, моя мамуню, (Двічі)
Що добре ховала, що мя виховала
Та свою дівуню.
Був святий вечер, юж по вечери.
Дай, Боже, ой дай, Боже,
На високости в своєй ясности, дай, Боже.
В нашого газди по стародавну
Біг му дав, ой Біг му дав.
Не заздростіт му, панове-браття, даст і вам.
Болит мене головонька, болит, (Двічі)
Бо мій милий до іншої ходит. (Двічі)
Він звечера до іншої ходит, (Двічі)
А над раном до мене приходит. (Двічі)
Він приходит тай за стіл сідає, (Двічі)
Тай зі мною сварку починає. (Двічі)
Відвернися, жінко, ти від мене, (Двічі)
Бо я маю кращую від тебе. (Двічі)
Чом ти мене маєш покидати, (Двічі)
Ти ж говорив, що будеш кохати. (Двічі)
Ми на горі в церковці стояли. (Двічі)
Там на вірність Богу присягали. (Двічі)
Як я буду, милий, умирати, (Двічі)
Маєш мене гарно поховати. (Двічі)
Посад мені в головах калину, (Двічі)
Буде цвисти на всю Україну. (Двічі)
Будут птиці калиноньку їсти, (Двічі)
Будут мені приносити вісти. (Двічі)