Категорія: Різне

Ой згори ся туляво, туляво
То червене яблочко.
Аж оно ся стуляво, стуляво
До мой милой легочко.

Кед ся мила рада маш, рада маш,
Продай вшитко, што лем маш.
Продай коні і воли, і вози,
Тай вивез ня з той войни.

Я бим воли продава, продава,
Чим же бим орава, орава?
Я бим коні продава, продава,
Але ци бим тя мава?

Ой зацвили фіялочки, зацвили,
І всі гори, всі долини закрили.

Ой зацвили фіялочки в синій цвіт,
Мав ту прийти гардий хлопец, та й го ніт.

Ой зацвили фіялочки, зацвили,
Та лем одну дороженьку лишили.

Та лем одну дороженьку лишили,
Жеби по ній заручени ходили.

Ой зацвила черемшина зрісна. (Двічі)
Ходит жовнір до дівчини спізна. (Двічі)

Ти, жовняре, не ходи до мене, (Двічі)
Бо неслава на тебе й на мене. (Двічі)

Ой я тої слави не боюся, (Двічі)
Кого люблю стану й розмовлюся. (Двічі)

Як ти будеш довго воювати, (Двічі)
Хто ж ти буде кошулечку прати? (Двічі)

Ой як буде дрібний дощик січи, (Двічі)
То він мені кошулю сполоче. (Двічі)

Ой заспівала бим сой, ой, миленький, о тобі,
Але бос парадний, але бос парадний, ей, позераш по собі.

Парадний ти шугай, парадни очи маш,
Ани краплі крови, ани крапли кров справедливой не маш.

Шугай мальований, не преберай собі,
Жадна кисасоня жадна кисасоня не підийде тобі.

Ани кисасоня, ани жадна пані.
Не преберай собі, не преберай собі шугай мальований.

За яречком коні, хто мі піде по ні?
Самому ся не хце, самому ся не хце милой не мам єще.

Ой заспівайте враз для пана млодого,
Дай му, Боже, щастя і женици його. (Двічі)

Дай му, Боже, щастя, дай му, Боже, здравля
Іще му, Боже, дай Боже, пожегнаня. (Двічі)

А Боже-Пребоже, деси любов гвили,
Нихто єй не оре, ани єй не сіє. (Двічі)

Якби єй орали, якби єй сіяли,
Не так би ся, не так люде любували. (Двічі)