Позначка: колискова

ЛЮЛЯЙ ЖЕ МІ, ЛЮЛЯЙ, ГАРНИ ОЧКА СТУЛЯЙ (колискова)

Люляй же мі, люляй, гарни очка стуляй,
Як же їх стуляти, кой не хотят спати.

Люлю же мі люлю, де я тя притулю?
Під терник зелений, пташку премилежний.

Люлю же мі люлю, де я тя притулю?
Під зелену липку, мій рожевий квітку.

Люлюсю, люлюсю, колисати мушу,
Як бим не мусіла, то бим не рушила.

Й А, ЛЮЛЮ МІ, ЛЮЛЮ (колискова)

Й а, люлю мі, люлю,
Добрі тобі спати,
Покля тя колише
Твоя рідна мати.

Але як тя буде
Чужа колисати,
Буде ти, синочку,
Колиска скрипати.

Колисала бим тя
До рана, до біла,
Кед би я, дитино,
Спати не хотіла.

Ой гаю мій, гаю,
Добрі тобі спати,
Покля тя колише
Твоя рідна мати.