Позначка: весілля

Жито, жито, озимина,
Любит мене Катерина,
Она мене, а я єї,
Дай мі, Боже, взяти єї.

І сам не знам, што робити,
З ким ся маю оженити,
Ой чи з Ксеньом, чи Галином,
Чи з том гарном Катерином?

Жаль мі, жаль мі, жем ся не оженив,
Жаль мі, жаль мі тиз млодих літ.
Дай, Боже, осени, то я ся оженю,
За рік, за два, за три, за штири,
За п’ят, за шіст, за седем літ!
Дай, Боже, осени, то я ся оженю,
За рік, за два, за три, за штири,
За п’ят, за шіст, за седем літ!