Автор: admin

Ой циганочко миленька, (Двічі)
Причаруй же мі фраїра. (Двічі)

Як ти го буду чаровац, (Двічі)
Мусиш мі троха даровац. (Двічі)

Поглядай старого зільска, (Двічі)
Причаруй же ти го гнеска. (Двічі)

Даруй старій фартух заплати, (Двічі)
Той будеш фраїра мати. (Двічі)

Ой ходило дівчатко по лісі плачучи,
Тай шукало бондаря, щоб стругат обручи. (Двічі)

Ойбондарю, бондарю, побий мі ґавґару,
Ой бо буду носити водицю з Дунаю. (Двічі)

Ой єще раз, єще раз піду, дівча, до вас.
Ой як мі тя не дадут, піду ся звербовац. (Двічі)

Ой як я ся звербував на сивого коня,
Ой будеш ти жаловать, фраїречко моя. (Двічі)

Ой не звербував єм ся про зелене пірко,
Ой але ся звербую про тебе, фраїрко. (Двічі)

Ой ходжу я попід гору, ой попід гору зелену,
Попід гору, під зелену, по дівчину молодену. (Двічі)

Ой Іванко, моя мила, винес же ми грудку сира,
Грудку сира, лем твердого, а і вина червеного. (Двічі)

Ор же, Ваньцю, скибу з яри, буде видно аж в Брунари.
Буде оно зеленіло, тото житко, штоб вродило. (Двічі)

Ой учка, учка, учка зелена,
Пасло там на ній дівча оленя,
Гей, гей, гей, дівча оленя.

Не бив то олень — била серна.
Чекай мя мила рочок, або два,
Гей, гей, гей, рочок, або два.

Ой мамцю, мамцю, хто то пукат,
Чорни очка ма, на мя позерат,
Гей, гей, гей, на мя позерат.

Нех не позерат, нех він зайде,
За ручку тебе в церковцю веде,
Гей, гей, гей, в церковцю веде.

Ой укушу разок сира —
Сирец солоденький,
Позираю на вівчаря —
Вівчар молоденький.

Ой вівчаре, вівчарику,
Чом не засмієшся?
Поцілуй мої личенька,
Покля м молоденька.