Автор: admin

Ой лучка, лучка, лучка зелена,
Пасло дівча там на ній єленя, на ній єленя.

Не бив то єлень — била то серна,
Што їй втікала все лем до зерна, все лем до зерна.

А дівча пасло, не навертало,
Лем за миленьким все позерало, все позерало.

Ой коло гостинця студня мурована,
З неї люде воду п’ють (Двічі)
Ей, полюбив я тото ладне дівча,
Але мі го не дают.

Ей, як я прийшов під єї віконце,
Світив місяць високо. (Двічі)
Ей, она за мном вікном позерала,
Чим одийшов далеко.

Ой недалеко, моя наймиленьша,
Ой недалеко, (Двічі)
А як я вернув під твоє віконце,
А ти мала іншого.

Ой кобим я то знала,
Де мій миленький косит,
Била бим му принесла (Двічі)
Запаски до коси.

Закошай же, закошай,
Ой закошай же різко.
Ой аж ся ти угине (Двічі)
При косі косиско.

Ой кобим я то знала,
Де мій милий жиє,
Била бим му принесла (Двічі)
Штири півоніє.

Ой кед бим я знала, де мій милий пасе, (Двічі)
Понесла би йому (Двічі)
на лижечку кашки.

На лижечку кашки, в горнятку молока, (Двічі)
Ой жеби добрі знав, (Двічі)
Жем му фраїрочка.

Ой і зрада, зрада, карі очі, зрада,
Ой кажуть люди, що то є неправда.
Гей, гей, що то є неправда.

Ой з’їздив Польщу, з’їздив Україну,
Але не знайшов над тебе дівчину.
Гей, гей, над тебе дівчину!

Ой знайшов, знайшов з кіньми та й волами,
Але не знайшов з чорними бровами.
Гей, гей, з чорними бровами!

Ой знайшов, знайшов на личку білішу,
Але не знайшов в серці приємнішу.
Гей, гей, в серці приємнішу!

Ой знайшов, знайшов на личку рум’яну,
Але не знайшов в серці закохану.
Гей, гей, в серці закохану!