Категорія: Різне

Ей, гуле-гуле, гуси на воду.
Не каламуттте Гануси воду.

Не каламутте Гануси воду,
Бо Ганця пере хусточку свому.

Ей, гуле-гуле, гусоньки, на став,
Добрий ден, Ганцю, ще м ся не виспав.

Ей, гоя, гоя, слободо моя. (Двічі)
Повідж же мі, моя мила,
Моя наймиленьша,
Чи будеш моя? (Двічі)

Я ти не повім, бо сама не знам, (Двічі)
Бо я ще молода, як тота ягода,
Робити не знам. (Двічі)

Ей, горі селом ішов,
Ей, чом до нас не зашов?
Ей, велька роса, блото,
Ей, не зашов єм за то.

Ей, горі селом ішов,
Два грейцари нашов!
Ей, так ся ними втішив,
Ей, аж на вербу зашов!

Ей, гора, гора, зелена гора,
А хтоси мя до той гори од рана волат.

Волат мя, волат фраїрка моя:
Под к нам, шугай премилений, бом сама дома.

Самам си дома г мойой мамоньки,
Та підеме сой обоє на ягодоньки.

Не можу, мила, не можу прити,
Бо я мушу свої коні гнет напоїти.

Співав Петро Гойняк, село Нове село

Ей, гой, летят гуски, летят, біле піря гублят. (Двічі)
Што ж я тому винна,
Ей, гой, што ж я тому винна,
Же ня хлопці люблят.

Ей, гой, летіла зозуля, сіла си на сіно. (Двічі)
Той мій наймиленьший,
Ей, гой, той мій наймиленьший,
Што ставає рано.

Ей, гой, співайте, дівчата, най буде весело, (Двічі)
Бо ся засмутило,
Ей, гой, бо ся засмутило,
Наше рідне село.

Ей, гой, наше рідне село набіло білене, (Двічі)
Хто до него прийде,
Ей, гой, хто до него прийде,
Кождому весело.