Категорія: Різне

Ей, дружба я си, дружба, ей гірка моя служба,
Ей, косити м не косив, а дружбити м ся просив. (Двічі)

Ей, дружба я си, дружба, я юж єм подружбував,
Ей, а штири колеса, ей, до пеца м зладував. (Двічі)

Ей, не пию паленку, ей, лем палену воду.
Ей, не любю дівчатко, ей, лем єго уроду. (Двічі)

Ей, не пию паленку, а лем фрак, лем фрак,
Ей, не піду я домів, ей, аж заран, аж заран. (Двічі)

Ей, не піду я домів, аж буде свитаво, свитаво,
Ей, не мам там такого, ей, жеби мі пвакаво. (Двічі)

Ей, не піду на войну, ей, бо я не мам коня,
Ей, возму си ту жену, ей, буде война дома. (Двічі)

Ей, до нас, хлопці, ей, до нас, небожата,
Бо на нашим полю, ей, гречка не вижата.

Ей, гречка не вижата, ей, овес не кошений,
Ей, до нас хлопці, до нас, ей, котрий немат жени.

Ей, котрий немат жени, ей, нич не пожалує,
Ей, бо в нашим селі, ей, дівчат не зрахує.

Ей, дівчатко пишне, горе себе несе, (Двічі)
Ани сом не видів таке древко в лесе. (Двічі)
Хоц би тоти гори спадали,
Мене би за тебе ниґда не дали.

Ей, не младий і я, бо мі брода сива, (Двічі)
Кед бис за мня пішла, била бис щаслива. (Двічі)
Хоц би тоти гори спадали,
Мене би за тебе ниґда не дали.

Кед єс шугай сивий, таку собі глядай, (Двічі)
А я ти не пара — то на мня не зеркай. (Двічі)
Хоц би тоти гори спадали,
Мене би за тебе ниґда не дали.

Ей, далас ня, мамко, за тоту гору,
Ей, далас ня, мамко, за ту долину,
Жебим не ходила, жебим не ходила,
Жебим не ходила до тя на гостину.

Ей, а я тоту гору вколо обийду, (Двічі)
А до вас, мамичко, (Тричі)
На гостину прийду.

Ой не зато прийду, бим ся гостила, (Двічі)
Лем зато прийду, (Тричі)
Бим вас виділа.

 

Ей, гуси мої, гуси, на воду,
Не каламутте Гануси воду.
Не каламутте Гануси воду,
Бо Ганця пере хусточки свому.
Ей, гуси мої, гусоньки, на став.
Добридень, Ганусю, щем ся не виспав.