Категорія: Різне

Ей, люляй мі, люляй, моя ти дитино, Я бим тя не дала за токайске вино. Бо токайске вино в Токаю точено, А твоє імено у церкви хрещено. Ей, люляй же мі, люляй, сину мій молодий, Як ти мі вироснеш, ци мі подаш води? Ей, якби я, ти, мамцю, водички подавав, Кой ти мі замало рученьки… Читати далі ЕЙ, ЛЮЛЯЙ МІ, ЛЮЛЯЙ, МОЯ ТИ ДИТИНО

Ей, йа, люлю мі, люлю,
Ей, під зелену дулю.
Ей, дуля ся розвиє,
Ей, дітину прикриє.

Ей, дуля ся розвиє
Зеленим листочком,
Ей, дітину прикриє,
Ей, сивом покривочком.

Ей, засвітив би місяць,
Хмари му не дають.
Взяв бим тото дівча,
Люди одгваряють. (Двічі)

Ей, опали, опали
Листочки на дубі,
Не можу забити,
Миленька, о тобі. (Двічі)

Ей, о тобі, о тобі,
О твоїй подобі,
О червенім личку,
О твоїм серденьку. (Двічі)

Ей, о твоїм серденьку,
Што мя любувало,
А потім на ганьбу,
Што мя понехало. (Двічі)

Ей, з гори на долину
Помаленьки вийду,
Ей, сподій мя ся, мила,
Що я до тя прийду.
Ей, сподій мя ся, мила,
Що я до тя прийду.

Ей, звечора не прийду,
Бо звечора темно,
Ей, сподій мя ся, мила
Опівночи певно.
Ей, сподій мя ся, мила
Опівночи певно.

Ей, вийди до мя, дівча,
Або мі ся присни,
Ей, водне, ани вночи
Не сходиш мі з мисли…
Ей, водне, ани вночи
Не сходиш мі з мисли…

Ей, не є мі на мисли,
А ніч без сну мине,
Ей, добрі моє серце
За твоїм не згине.
Ей, добрі моє серце
За твоїм не згине.

Ей, жеби тих капрали,
Ей, на гаки вішали!
Ей, жеби они бівше, (Двічі)
Гей, гей! Войска не карали!
Ей, жеби они бівше, (Двічі)
Гей, гей! Войска не карали!

Войска не карали,
Синів не мучили,
Ой жеби їх матусі, (Двічі)
Гей, гей! Море сліз не лили!
Ой жеби їх матусі, (Двічі)
Гей, гей! Море сліз не лили!

Як єм ішов на урльоп,
Дівча хусти прало,
Я їй мовив: «Добрий ден!» (Двічі)
Гей,гей! Воно заплакало.
Я їй мовив: «Добрий ден!» (Двічі)
Гей,гей! Воно заплакало.

Ой добрий день, дівчино,
Чис мя не пізнало?
Ей, як єс за капелюх, (Двічі)
Гей, гей! Пюрко закладало.
Ей, як єс за капелюх, (Двічі)
Гей, гей! Пюрко закладало.