Категорія: Різне

Господарю наш, прид же ти до нас,
Ой дав єс нам їсти, пити,
Покаж же нам домів піти,
Бо юж пізний час.

Час додому, час, господарю наш,
Бодай тобі пощастило,
А за рочок знов гродиво,
Господарю наш.

Гором воли, гором,
А я піду долом,
Вийд до мя, дівчатко, (Двічі)
Бо гину за тобом.
Вийд до мя, дівчатко, (Двічі)
Бо гину за тобом.

Світив би місячок,
Хмари му не дают.
Взяв би шугай дівча, (Двічі)
Люде одгваряют.
Взяв би шугай дівча, (Двічі)
Люде одгваряют.

Прид ку мі, милий, прид,
Або ся мі присни.
Водне, ани вночи (Двічі)
Не зийдеш мі з мисли.
Водне, ани вночи (Двічі)
Не зийдеш мі з мисли.

Воднес мі на мисли,
А ніч без сну мине,
Добрі моє серце (Двічі)
За твоїм не згине.
Добрі моє серце (Двічі)
За твоїм не згине.

А, серденько моє,
Чом мя поболюєш,
Чом ти мі не повіш, (Двічі)
За ким так бануєш?
Чом ти мі не повіш, (Двічі)
За ким так бануєш?

Баную, баную,
Жаль мі не поможе,
Кого я любила, (Двічі)
Верний мі го, Боже!
Кого я любила, (Двічі)
Верний мі го, Боже!

Чиє то дівчатко
Вчера воду брало?
Я на ню запискав, (Двічі)
Оно заплакало.
Я на ню запискав, (Двічі)
Оно заплакало.

Я на ню запискав
На ценкім листочку.
Оно заплакало: (Двічі)
Врац ся, шугаїчку!
Оно заплакало: (Двічі)
Врац ся, шугаїчку!

А, Боже, мій Боже,
Хто ж мене споможе?
Милий Бог високо, (Двічі)
Родина далеко.
Милий Бог високо, (Двічі)
Родина далеко.

Горой, горой, долиною (Двічі)
Оженився старий, старий з молодою. (Двічі)

Пішов старий на поле орати, (Двічі)
А молода до корчми гуляти. (Двічі)

Іде старий із поля з ораня, (Двічі)
А молода із корчми з гуляня. (Двічі)

Старий, старий, принеси мі меду, (Двічі)
Бо я така хора, голови не зведу. (Двічі)

Пішов старий од хати до хати (Двічі)
Своїй жені лікарства глядати. (Двічі)

Приніс він ї дубового сала, (Двічі)
Як посмарував, то скора одстала. (Двічі)

Пішов старий до корчми, до Гершка, (Двічі)
А молода на ложи небожка! (Двічі)

Горіла липка, горіла,
Під ньов дівчина сиділа.
Іскорки на ню падали,
Парубки за ньов плакали.

В решеті воду носили,
Зелену липку гасили.
Кілько в решеті той води,
Тілько в парубка той правди.

В решеті воду носили,
Зелену липку гасили.
Кілько в решеті є дірок,
Тілько є в селі красних дівок!

Горіла липка і явір,
Горіла липка і явір, і явір,
Сподобав мі ся кавалір.
Горіла липка і явір, і явір,
Сподобав мі ся кавалір.

Горіла липка і явір.
Горіла липка, горіла, горіла,
Під ньов дівчина сиділа.
Горіла липка, горіла, горіла,
Під ньов дівчина сиділа.

Іскерки на ню падали.
Іскерки на ню падали, падали,
Парібци за ньов плакали.
Іскерки на ню падали, падали,
Парібци за ньов плакали.

Не плачте, парібци, не плачте.
Не плачте, парібци, не плачте,
Дзелену липку загасте.
Не плачте, парібци, не плачте,
Дзелену липку загасте.

В решеті воду носили,
Дзелену липку гасили, гасили,
Дзелену липку гасили.
Дзелену липку гасили, гасили,
Дзелену липку гасили.

Кілько в решеті той води,
Кілько в решеті той води, той води,
Тівко парібской паради.
Кілько в решеті той води, той води,
Тівко парібской паради.

Горіла липка і явір.
Горіла липка і явір, і явір,
Десь ся мій милий забавив.
Горіла липка і явір, і явір,
Десь ся мій милий забавив.

Забавив він ся при Тисі.
Забавив він ся при Тисі, при Тисі,
Їмав він рибки Марисі (Ярисі).
Забавив він ся при Тисі, при Тисі,
Їмав він рибки Марисі (Ярисі).