Різне – Сторінка 121 – Молода Лемківщина

ГОРІВА ЛИПКА, ГОРІВА

Горіва липка, горіва,
А під ньов мива сідива,

Іскорки на ню падали, падали,
Вшитки парібки пвакали.

Ой ви, парібки, не пвачте,
Зелену липку загасте.

Парібци липку гасили,
В решетах воду носили.

Зелена липка ядловец,
Ліпший кавалір, як вдовец…

Бо вдовец биє, катує,
Кавалір стискат, цювує.

Под же, миленький, до саду,
Будем сіяти розсаду,

Розсада буде сходити,
Ми ся будеме любити…

Гори наши, гори наши, гори наши Карпати,
Нихто не знат, нихто не знат, ей, кильо ви в нас вартате. (Двічі)

Гори наши, гори наши, гори наши Карпати,
Не міняв бим, не міняв бим, ей, вас на жадни дукати. (Двічі)

Не даме вас, не даме вас, гори наши Бескиди,
Бо вас дати не казали, ей, наши діди-прадіди. (Двічі)

Гори наши, тепер знаю, кильо ви в нас вартате.
Нема в світі краще краю, як наши рідни Карпати! (Двічі)

Гори мої, гори,
Ви зелені бори,
Та я ту виросла,
Як квіточка в поли.

Як квіточка в поли,
Зелений барвінок,
Сплітайте, дівчата,
Мі зелений вінок.

Співайте, дівчата,
Співайте весело,
Жеби ся молодій
Господарство вело.

Співайте, дівчата,
И я буду з вами,
Жеби нам горіла
Травка під ногами.

Як я си заспівам,
Далеко мя чути,
Аж до миленького,
Де я маю бути.

Гори єм обишов,
Долини не можу,
Дівчину м си знайшов, (Двічі)
А жінку не можу.

Дівчину м си знайшов,
Бо мя любувала,
А жінку не можу, (Двічі)
Аби ґаздувала.

Таку миленьку мам,
Як гусар коничка,
Лем ї проквитают (Двічі)
Начервено личка.

Ой миленька моя,
Штос мі задіриятель,
Же тя радШе виджу, (Двічі)
Як отця і матір?

Горе, доле ходжу, не виджу никого. (Двічі)
Сердечко мі пукат зо жалю велького. (Двічі)

Ой милий, мій милий, дес вчера гвечер бив? (Двічі)
Ей фраїрочко моя, лем ту у сусіда. (Двічі)

Ой милий, мій милий, што ти повідали? (Двічі)
Ой фраїрочко моя, тебе огваряли. (Двічі)

Ой милий, мій милий, штос їм нарекав? (Двічі)
Ой фраїрочко моя, к Богу лем вздихав. (Двічі)