Категорія: Різне

В губокій долині звізда засвітила,
Де Пречиста Діва Мати сина породила. (Двічі)

Не в царських палатах, а поміж бидляти
У пустині у яскині, треба вшитким знати. (Двічі)

Як го породила, так йому співала:
«Люляй, люляй, мій Синочку, а я буду спала». (Двічі)

Що то Бога Христа Марія Пречиста
І родила, і кормила Його, як невіста. (Двічі)

На руках тримала і йому співала,
Всемогутнім своїм Творцем Його називала. (Двічі)

Гварит: «Люляй Сину, буд зо мнов без впину,
Коли взяв єс собі мене за матір єдину». (Двічі)

Повіч, Правосуде, де хто з вірних буде.
Най зо мною пред Тобою станут усі люде. (Двічі)

Тобі ся молити, і Тебе просити,
Жебис дав нам в своїм царстві вовік-віків жити. (Двічі)

В городі вишенька, в городі калина.
Любив я дівчину, а мене дівчина.
Любив я дівчину три літа, три літа,
Трудно било жити на світі.
Любив я дівчину три літа, три літа,
Трудно било жити на світі.

Осідлав коника, осідлав другого,
Пішов до дівчини, ци буде што з того?
Ци буде што з того, а ци ні, а ци ні,
Не жали серденько ти мені.
Ци буде што з того, а ци ні, а ци ні,
Не жали серденько ти мені.

Чого ж би я тобі серденько жалила,
То не моя вина, але мамусіна.
Бо як мамця скаже, то так буде,
Зі мною маєтку не буде.
Бо як мамця скаже, то так буде,
Зі мною маєтку не буде.

А мені маєтку не треба, не треба,
А мені маєтку не треба, не треба,
Бо ти мій маєток самая, самая,
Як на небі зоря ясная…
Бо ти мій маєток самая, самая,
Як на небі зоря ясная…

В глибокій долині сталася новина.
То Пречиста Діва Мати Сина породила. (Двічі)

А як породила, та й стала співати:
«Люляй, люляй, мій синочку, а я буду спати.» (Двічі)

«Мамо моя, мамо, зажди хоч хвилину,
Бо я іду на небеса, принесу перину». (Двічі)

«Ой сину, мій сину, де ж ти таке годен,
Іще нема три години, як Ти ся народив». (Двічі)

«Мамо ж моя, мамо, годен же я, годен.
Я сотворив небо й землю поки ся народив». (Двічі)

 

В гаю зеленім соловій співат,
Повідж же мі, моя мила, чи будеш моя? (Двічі)

Чи будеш моя, чи ручку мі даш,
І тот вінок з розмариї, што на главі маш? (Двічі)

Як бим не дала, кед ти мя любиш,
Дам го Богу, а і тобі в церкви при шлюбі. (Двічі)

В Гамериці стежка шутрована, (Двічі)
Ходит по ній мила заплакана. (Двічі)

Ходит-ходит, ручки заламує, (Двічі)
Бо їй милий до краю мандрує. (Двічі)

Не плач, мила, не поможе юж нич, (Двічі)
Бо я в краю мушу жить, мушу жить. (Двічі)