Категорія: Різне

Ой не буду все лем банувати,
Дам я собі гудакам заграти.
Грайте же мі з вечера до рана,
Бо я собі дівка мальована.

Зьвідалися што мі то, што мі то,
Же мам личко побито, побито.
Побила го моя люба мамка,
Жем любила чорнявого Янка.

А ворота цьвяками забила,
Жеби до нас хлопці не ходили.
А я взяла цьвяки одорвала —
Ходьте, хлопці, мамця юж казала!

Ой настала чорна хмара, што нам ярмак розігнала, (Двічі)
Ой настала, ой, настала чорна хмара,
Што нам ярмак перервала, перервала.

Мала м коня на проданю, сама м била на виданю, (Двічі)
Мала м коня, мала м коня на проданю,
Сама м била, на виданю, на виданю.

Ани м коня не продала, ани м сама не видана, (Двічі)
Ани м коня, ани м коня не продала,
Ани м сама, не видана, не видана.

Ой восте ня, хлопці, восте, восте же ня тай зачепте, (Двічі)
Восте же ня, восте же ня тай зачепте.
Восте же ня, восте же ня тай зачепте.

Ой напиймеся, кумо, напиймеся обі,
Бо нам там не дадуть, ой, палюнечки в гробі.

Ой кумо моя, кумо, покумализме ся,
Ищи рочка не є, ой погнівализме ся.

Ой кумо моя, кумо, ой, кумо моя добра,
Не будеш ти мала, ой, такой куми, як я.

Ой палюнечко наша, ой, не течеш нам з леса,
Але з-під ретязі, ой, за наші пінязі!

Ой найду я сой, найду, ой, миленького найду,
Лем сой поза гори, ой, оченьками зайду.

Ой очи мої, очи, ой, як зіроньки вночи.
Миленький вас найде, ой, хоц би опівночи.

Ой гори, гори, ой, ви зелені бори,
І я ту виросла, ой, як квіточка в поли.

Ой гори, гори, ой, зелени Карпати,
Випестили сте ня, ой, як рідненька мати.

Ой нагнувся дуб широкий понад став,
Ти далеко, світ широкий, а я сам.

В темнім борі зозуленька кувала,
Ти далеко, світ широкий, а я сама.

В темнім борі ворон кряче на гіллі,
Чи плачеш часом, кохана, по мені?