Категорія: Різне

ОЙ МАМЦЮ, МАМЦЮ, МАМИЧКО

Ой мамцю, мамцю, мамичко,
Єдну мя дівочку мате.
Добрі ви сой подумайте,
За кого ви мя оддате?
Добрі ви сой подумайте,
За кого ви мя оддате?

Ой мамцю, мамцю, мамичко,
Не оддайте мя далечко,
Лем оддайте мя близенько,
Де мій наймильший Ясенько.
Лем оддайте мя близенько,
Де мій наймильший Ясенько.

Ой мамцю, мамцю, мамичко,
Оддайте мя за такого,
Же мя буде шанувати,
А вас буде неньом звати.
Же мя буде шанувати,
А вас буде неньом звати.

ОЙ ЛЮЛЯЙ ЖЕ МІ, ЛЮЛЯЙ (колискова)

Ой люляй же мі, люляй,
Кед мі маш люляти,
Бо я тебе не мам
Коли колисати.

Ни я тебе не мам
Коли колисати.
Ни я тобі не знам
Красні заспівати.

А люляй мі, люляй,
Пренайкращий пташку.
Нашто я тя ховам
На ту біду тяжку.

Люляй же мі, люляй,
Дітятко маленьке.
Дітятко маленьке,
Красне, білюсєньке.

А люляй мі, люляй,
Сиви очка стуляй,
Сама бим стуляла,
Кебим сиви мала.

А люляй мі, люляй,
Мій сивий голубе,
Хто тя заколише,
Як мене не буде?

А люляй мі, люляй,
Кед мі маш люляти,
Як мі будеш спати,
Вшию ти кабатик.

А усний мі, усний,
Великий виросний,
Ангел тя зобудит,
Він тебе рад видит.

ОЙ ЛУЧКА, ЛУЧКА

Ой лучка, лучка, лучка зелена,
Пасло дівча там на ній єленя, на ній єленя.

Не бив то єлень — била то серна,
Што їй втікала все лем до зерна, все лем до зерна.

А дівча пасло, не навертало,
Лем за миленьким все позерало, все позерало.

ОЙ КОЛО ГОСТИНЦЯ СТУДНЯ МУРОВАНА

Ой коло гостинця студня мурована,
З неї люде воду п’ють (Двічі)
Ей, полюбив я тото ладне дівча,
Але мі го не дают.

Ей, як я прийшов під єї віконце,
Світив місяць високо. (Двічі)
Ей, она за мном вікном позерала,
Чим одийшов далеко.

Ой недалеко, моя наймиленьша,
Ой недалеко, (Двічі)
А як я вернув під твоє віконце,
А ти мала іншого.

ОЙ КОБИМ Я ТО ЗНАЛА

Ой кобим я то знала,
Де мій миленький косит,
Била бим му принесла (Двічі)
Запаски до коси.

Закошай же, закошай,
Ой закошай же різко.
Ой аж ся ти угине (Двічі)
При косі косиско.

Ой кобим я то знала,
Де мій милий жиє,
Била бим му принесла (Двічі)
Штири півоніє.