|
На святий вечер, на Різдво рано, дай Боже,
Пречиста Діва Сина зродила, дай Боже.
Ой породила досвіта рано, дай Боже,
Дитя купала та й повивала, дай Боже.
Лодва до лодви ватру кресала, дай Боже.
До тої ватри Сина вгрівала, дай Боже.
|
|
На поли, на поли,
Ой деревце зелене,
Повідж мі, дівчатко,
Ой ци підеш за мене.
А не знам я, не знам,
Ой як тобі сказати,
Хоче мене мама
Ой. за другого дати.
Писала бим листок,
Ой писати не знаю,
Сама я молода,
Ой дороги не знаю.
Дівчина молода
Ой дороги не знає,
Хоц она молода,
А зводит юж знає.
Як я воли пасав,
Ой дост я ся наплакав,
Не так за волами,
Ей, як за дівчатами.
|
|
На подолю білий камін, (Двічі)
Подолянка сідит на нім. (Двічі)
Сідит, сідит, вінок виє (Двічі)
З білой ружи і лелиї. (Двічі)
Прийшов до неї подолянок: (Двічі)
Подолянко, дай мі вінок. (Двічі)
Я бим тобі вінок дала, (Двічі)
Бим ся тата не бояла. (Двічі)
Не так тата, яко брата, (Двічі)
Бо брат гірший єст од тата. (Двічі)
|
|
На подвір’ю став, де ти таку взяв? (Двічі)
А бив я там в Україні,
Люде мі єй нараїли,
Пан Біш мі єй дав.
Пан Біг мі єй дав, отец записав (Двічі)
Половину маєтности,
Дає дівку до любости,
Дівці дарував.
І мати также дівці дарує (Двічі)
Половину маєтности,
Дає дівку до любости,
Дівці дарує.
|
|