Різне – Сторінка 68 – Молода Лемківщина

МОРОЗ, МОРОЗ, ВЕЛЬКА ЗИМА

Мороз, мороз, велька зима, (Двічі)
Повідж, дівча, де перина. (Двічі)

В коморі є вистелена, (Двічі)
Не ход, шугай, бо сут дома. (Двічі)

Коло мого огродечка (Двічі)
Виросла мі ябліночка. (Двічі)

Она біло заквитала (Двічі)
І червени ябка мала. (Двічі)

Хто же буде ябка зривав? (Двічі)
Мій коханий ся погнівав. (Двічі)

Погнівався вчера, днеска, (Двічі)
До чого мя любов знесла! (Двічі)

Мої співаночки,
Я вас рано знала,
Ой але до вечера
Єм позабивала.

Жала бим я, жала
Тот злотистий вівсин,
Ой жеби мі вивили
Той осени вінчик.

Як не той осени,
То дакой зимоньки.
Лем най мі парадниці
Не рахуют рочки.

Мої очка стяли бучка до поточка. (Двічі)
Ой чекай же ня, ой, моя мила, до так рочка, до так рочка. (Двічі)

Од поточка, до поточка, до йосени, (Двічі)
Ой втовди, гей, я ся, моя мила, буду жениц, буду жениц! (Двічі)

Мої очка все в єден бік,
Ой юж буде зо шестий рік.
Мої очка поза плоти
Позерают, ніт роботи.
Мої очка поза плоти
Позерают, ніт роботи.

Мої очка висихают,
За мой милим позерают.
Позерают і бануют,
Же милого не видуют…
Позерают і бануют,
Же милого не видуют…

Мої мили, мої мили ягоди,
Вшитке сте мі попадали до води.
Хто вас достане, то най достане,
Най же лем ся моїй милій кривди не стане.

Мої мили, мої мили малини,
Хпали сте мі до глубокой долини.
Хто вас достане, то най достане,
Най же лем ся моїй милій кривди не стане.

Мої мили, мої мили чорниці,
Хпали сте мі до глубокой студниці.
Хто вас достане, то хто вас достане,
Най же лем ся мой милій кривди не стане.