Позначка: Поляни

НА ЗЕЛЕНІЙ УБОЧИ

На зеленій убочи (Двічі)
Дівча леник мочит, (Двічі)

Шугай ся му припатрят, (Двічі)
Ци ма чорни очи. (Двічі)

Кед би таки очка (Двічі)
В крамі продавали, (Двічі)

Ой то лем би дівчатка (Двічі)
Їх викупували. (Двічі)

А я бим купива (Двічі)
Мому шугайови, (Двічі)

Най би ся чорніли, (Двічі)
Яко ґавронови. (Двічі)

Іще бим купива (Двічі)
Скірні з острогами, (Двічі)

Най би си черкотав (Двічі)
Медже леґінями. (Двічі)

Іще бим купива (Двічі)
Перстеник на палец, (Двічі)

Жеби му миготав, (Двічі)
Як піде на танец. (Двічі)

Іще бим купива (Двічі)
Перко за шапочку, (Двічі)

Жеби сой пам’ятав, (Двічі)
Же ма фраїрочку! (Двічі)

МОЇ СПІВАНОЧКИ

Мої співаночки,
Я вас рано знала,
Ой але до вечера
Єм позабивала.

Жала бим я, жала
Тот злотистий вівсин,
Ой жеби мі вивили
Той осени вінчик.

Як не той осени,
То дакой зимоньки.
Лем най мі парадниці
Не рахуют рочки.

МОЇ МИЛИ ЯГОДИ

Мої мили, мої мили ягоди,
Вшитке сте мі попадали до води.
Хто вас достане, то най достане,
Най же лем ся моїй милій кривди не стане.

Мої мили, мої мили малини,
Хпали сте мі до глубокой долини.
Хто вас достане, то най достане,
Най же лем ся моїй милій кривди не стане.

Мої мили, мої мили чорниці,
Хпали сте мі до глубокой студниці.
Хто вас достане, то хто вас достане,
Най же лем ся мой милій кривди не стане.

МИЛА МОЯ, ВОЗЬМУ Я ТЯ

Мила моя, возьму я тя,
Кед лем приду з войни до тя.
Прийду з войни, той шаленой,
До свой милой, премиленой.
Прийду з войни, той шаленой,
До свой милой, премиленой.

Мила моя, чекай на мня,
Дрібни листи все пиш до мня.
Дрібни листи написани,
Зо слезами покапани.
Дрібни листи написани,
Зо слезами покапани.

Кед я піду машерувац,
Дам я собі коня кувац.
А за калап возму квітя,
Мила моя, барз люблю тя!
А за калап возму квітя,
Мила моя, барз люблю тя!

ЛУЧКА ЗЕЛЕНА, НЕПОКОШЕНА

Лучка зелена, непокошена,
Ой пасла там мила (Двічі)
Свого єленя.

Ой ци ж ся напас злотий мій єлень,
Ей, ци ж ся наскубав трави (Двічі)
Зеленой?

Не наскубав ся трави зеленой,
Ой але м ся напив (Двічі)
Води студеной.