Позначка: Поляни

ЇДУ, ЇДУ НЕ ЗНАМ КАДИ

Їду, їду не знам кади, дує вітер на мя всяди.
Дує, дує вшелеякий, бодав не дув ниґда такий. (Двічі)

Їду, їду пред обідом, ци по жену, ци по біду.
Кед по жену — то на возі, кед по біду — на телізі. (Двічі)

Здалека зме приїхали, коні нам ся залюштали,
Треба би нам ручничка повтирати коничка. (Двічі)

ІДЕ ДІВЧА ЛУЧКАМИ

Іде дівча лучками, лучками, лучками, лучками
Розмахує ручками, ручками, ручками, ручками.

Споткався з ньом паробок, паробок, паробок, паробок
Покаж, дівча, заробок, заробок, заробок, заробок.

Дівча, дівча, што там маш, што ти маш, што ти маш што ти маш
Же фартушком прикриваш, прикриваш, прикриваш, прикриваш?

Грушки, ябка, сливки мам, сливки мам, сливки мам, сливки мам
Кого люблю, тому дам, тому дам, тому дам, тому дам.

Кого люблю трошечки, трошечки, трошечки, трошечки
Дам му лем дві грушечки, грушечки, грушечки, грушечки.

Кого люблю сердушком, сердушком, сердушком, сердушком
Дам му вшитко з фартушком, з фартушком, з фартушком, з фартушком.

ИШОВ МИЛИЙ З ВОЙНИ

Ишов милий з войни, так мі наказував,
Жеби моє личко інший не любував,інший не любував. (Двічі)

Не бійся, миленький, нич ся мі не стане,
Хоц дехто полюбит, тобі зостане, тобі зостане. (Двічі)

Била любост, била, юж не буде така,
Бо той дівочка не кажда єднака, не кажда єднака. (Двічі)

Била любост, била медже нами двома,
Юж така не буде медже десятьома, медже десятьома. (Двічі)

Як я сой заспівам красні, премилені,
Юж мі ся розов’ют під бучком корені, під бучком корені. (Двічі)

Заспівам сой раз, бо маю такий глас,
Почує мя милий, де буде коня пас, де буде коня пас. (Двічі)

Жально мі тя жально, моя мила, жально,
Бо тя не виділи мої очка давно, мої очка давно. (Двічі)

Бо тя не виділи ни гнеска, ни вчера,
Мої оченята ни гнеска, ни вчера, ни гнеска, ни вчера. (Двічі)

ЗАКУВАЛА ЗОЗУЛЕНЬКА НАДВОРІ

ЗАГРАЙТЕ МІ, ГУДАЧКИ, ЗАГРАЙТЕ МІ ТРИ ТАНЦІ

Заграйте мі, гудачки, заграйте мі три танці,
Керпці ся мі подерли і виходят з них пальці, з них пальці

Так єм ся розтанцовав, аж мі змокла сорочка,
А вам жеби ся вело хоч два сини до рочка, до рочка.

Ой грайте мі, гудачки, тай чардаша весело,
Жеби ся молодятам господарство вело,вело!