Категорія: Співанки

Вшитки ся поля зазеленіли, Моя пшеничка не сходит. Мала я хлопця возлюбленого, Але юж до мя не ходит. Не лем пшеничка, не лем пшеничка, Але і жито не сходит. Под ку мі, хлопче, мій кучерявий, Бо мене серце барз болит. Гей, ти, мій хлопче, мій кучерявий, Чом ти до мене не ідеш? Ци мя не… Читати далі ВШИТКИ СЯ ПОЛЯ ЗАЗЕЛЕНІЛИ

Вчера вечер, ізвечера
Зишла ясна зоренька.
Вчера вечер, ізвечера
Зишла ясна зоренька.
Пришла ку мі, до касарні (Двічі)
Сама моя миленька.

Пришла ку мі до касарні,
Край постелі си стала.
Пришла ку мі до касарні,
Край постелі си стала.
І так стоїт заплакана, (Двічі)
Же юж сама зостала.

Не плач, мила, моя мила,
Плач ти нич не поможе…
Не плач, мила, моя мила,
Плач ти нич не поможе…
Хоц бис за мя душу дала, (Двічі)
З войни мя не виможеш.

Наляла мі пугар вина,
І казала випити,
Наляла мі пугар вина,
І казала випити,
На ся, милий, вина напий, (Двічі)
Бо зостанеш забитий…

Втоди єс мя, втоди, мій миленький зрадив,
Як єс мя в неділю з весіля провадив.

Одпроваджав єс мя без зелени лучки,
Барз єс мі постискав мої білі ручки.

Не тисни ти ручки, бо я є не твоя,
Я мамина донька, бідна сиротонька.

Юж не сиротонька — ти моя вибрана,
Не дам тя никому, будеш моя жена!

Вселенная, веселися, Бог од Діви днесь родився,
Во вертепі, між бидляти, там поклін Христові дати
Царіє, царіє приходять.

Ливан, миро, злото в дари — то принесли тріє цари
Новорожденному Цареві, Вселенної Господеві
Оддають, оддають умильно.

Пастиріє прибігають, з сопілками поклін дають.
Пізнавши Бога рождення, із Марії воплощення
Чистої, чистої Дівиці.

Ти, Йосифе, не смутися, весеління днесь родися.
Сей плід буде Тобі в радість, у веселість і у сладість
Від нині, від нині довіку.

Там ангели припадають, «Слава во вишних» співають,
Рожденному Отрочаті поспішають поклін дати
Во яслах, во яслах лежачи.

Пастирям уподобімся, Рожденному поклонімся,
Щоби мир міг нам дати, скарби в радість переміняти
Віруючим, віруючим у Нього.

Вродилися терки меже горами, (Двічі)
Повідало шварне дівча, же піде з нами. (Двічі)

Но по нього пришли, мати не дала. (Двічі)
А штоби я без дівчати бідна почала? (Двічі)

Не є то, не є то, мамцю, як вам, (Двічі)
Сядете си на лавочці, а татуньо коло вас. (Двічі)

А я, небожатко, та лем все на пецу, (Двічі)
Обертамся з боку на бік, та лем болят плечи. (Двічі)