Категорія: Співанки

А в Мисцовій чорня роля,
Я єй орав не буду.
А в Мисцовій чорня роля,
Я єй орав не буду.
Повідат мі моя фраїречка,
Же на войну поїду.
Повідат мі моя фраїречка,
Же на войну поїду.

Тот перстеник, штос мі дала,
Я го носив не буду.
Тот перстеник, штос мі дала,
Я го носив не буду.
Шмарю я го посеред Дунаю,
Сам на войну поїду.
Шмарю я го посеред Дунаю,
Сам на войну поїду.

Ту хустину, штос мі дала,
Я з ней давно феци мав.
Ту хустину, штос мі дала,
Я з ней давно феци мав.
Жебис собі, Ганю, не думала,
Же я тебе в серцю мам.
Жебис собі, Ганю, не думала,
Же я тебе в серцю мам.

Права нога постріляна,
Ліва рука одтята.
Права нога постріляна,
Ліва рука одтята.
Подумай сой, моя наймиленьша,
Яка война завзята!
Подумай сой, моя наймиленьша,
Яка война завзята!

З єдної строни доктор стоїт,
Кулі з мене виберат.
З єдної строни доктор стоїт,
Кулі з мене виберат.
З другой строни капраль стоїт,
Смерти ся не сподіват!
З другой строни капраль стоїт,
Смерти ся не сподіват!
Я на войни, з войни назад,

А ти ся не видала,
Я на войни, з войни назад,
А ти ся не видала,
Повідж же мі, моя Ганусенько,
На кого ж ти чекала?
Повідж же мі, моя Ганусенько,
На кого ж ти чекала?

Чекала я, мій миленький,
Чекала я на тебе.
Чекала я, мій миленький,
Чекала я на тебе.
Же як ти ся з воєнки повернеш,
То ся видам за тебе.
Же як ти ся з воєнки повернеш,
То ся видам за тебе.

А за нашом хижом копа сена, (Двічі) Вчера била дівка, вчера била дівка, гнеска жена. (Двічі) Вчера била дівка під віночком, (Двічі) А гнеска невіста (юж жена), а гнеска невіста (юж жена) під чепочком. (Двічі) Вчера била дівка заплетена, (Двічі) А гнеска юж жена, а гнеска юж жена почеплена. (Двічі) Вчера била дівка татусьова, (Двічі) А гнеска юж жена, а гнеска юж жена Ванюсьова. (Двічі)