Категорія: Співанки

Болит мене головонька, болит, (Двічі)
Бо мій милий до іншої ходит. (Двічі)

Він звечера до іншої ходит, (Двічі)
А над раном до мене приходит. (Двічі)

Він приходит тай за стіл сідає, (Двічі)
Тай зі мною сварку починає. (Двічі)

Відвернися, жінко, ти від мене, (Двічі)
Бо я маю кращую від тебе. (Двічі)

Чом ти мене маєш покидати, (Двічі)
Ти ж говорив, що будеш кохати. (Двічі)

Ми на горі в церковці стояли. (Двічі)
Там на вірність Богу присягали. (Двічі)

Як я буду, милий, умирати, (Двічі)
Маєш мене гарно поховати. (Двічі)

Посад мені в головах калину, (Двічі)
Буде цвисти на всю Україну. (Двічі)

Будут птиці калиноньку їсти, (Двічі)
Будут мені приносити вісти. (Двічі)

Боже, Боже, як ся старам, (Двічі)
Де пожену бички заран. (Двічі)

Вера я їх не пожену, (Двічі)
Бо я маю млоду жену. (Двічі)

Млода жена челядничка (Двічі)
Займе бички до гаїчка. (Двічі)

До гаїчка, до лелиї (Двічі)
Напасутся розмариї. (Двічі)

Розмариї напасутся, (Двічі)
Зимної води напиются. (Двічі)

Зимної води фіялковой (Двічі)
Зо студенки корчмарьовой. (Двічі)

Корчмар, корчмар біле гуся, (Двічі)
Не треба ти било мужа. (Двічі)

Ани мужа, ни фраїра, (Двічі)
Било ходиц, як лелия. (Двічі)

Боже, боже, што ся стало,
Же на моїм вінку (Двічі) листя мало?

Ци не било, ци й опали,
Ци мі го обірвав (Двічі) Янчик младий?

Боже, боже, што ся водить,
Ой йа, же паробок (Двічі) босий ходить?

Зложте, дівки, по дуткові,
Ой йа, купте скірні (Двічі) паробкові.

Боже, боже, як хто глодний,
Як йа били ябка (Двічі) на яблоні.

Били слодкі, били квасні,
Ой йа, в Волтошовій (Двічі) дівки красні.

Суть великі, суть маленькі,
Ой йа, мають гамбки (Двічі) солоденькі.

Як-єм єдну поцілував,
Ой йа, то-м ся тиждень (Двічі) облизував.

Боже, Боже, што ся робит,
Ой а же паробок (Двічі)
Босий ходит.

Зложте дівки по дукатови,
Ой а купте скірні (Двічі)
Паробкови.

Боже, Боже, як хто глодний,
Ой а били ябка (Двічі)
На яблони.

Били слодки, били квасни,
Ой а в Волтушові (Двічі)
Дівки красни.

Сут велики, сут малицьки,
Ойа мают ґемби (Двічі)
Солодицьки.

Як єм єдну поцілував,
Ой а то м ся тижден (Двічі)
Облизував.

Боже, Боже, што лес мі дав, (Двічі)
Ой до серденька (Двічі)
Великий жаль.

До серденька, до мойого, (Двічі)
Ой не вийде мі (Двічі)
Нигда з нього.

Боже, Боже, што лес мі дав, (Двічі)
Ой ани я ся (Двічі)
Не сподівав.

А дав лес мі таку жену, (Двічі)
Ой штири воли (Двічі)
З ньом прижену.