Категорія: Співанки

А хто бачив, а хто чув,
А хто в мене сей ноч був?

Приспів:

Соловія, соловія, чудо-чуд,
Канарі оченька, ох, ох, ох!

Був у мене попів син,
Давав мені волів сім.

А я дурна не брала,
Билам шестьма орала.

А семого продала,
Погонича найняла.

А у млині три камені. (Двічі)
Чом єден не меле? (Двічі)
Любив хвопец своє дівча,
Чом же єй не бере? (Двічі)

Чого, коню, воду не п’єш,
Чого так сумуєш?
А чого ти, мій синоньку,
Дома не ночуєш? (Двічі)

Як же я мам, моя мати,
Дома ночувати, (Двічі)
Коли прийде така ночка,
Ніт з ким розмовляти. (Двічі)

Ід же, сину, на поляну,
Там дівча гуляє. (Двічі)
Рад би я го зачепити,
Отец, мац не дає. (Двічі)

Не загваряй, мій синочку,
Не твоє оно є, (Двічі)
Бо лем ти ся приготуєш, (Двічі)
Возмут ти го люде. (Двічі)

Нехай же єй циган бере,
Я єй брав не буду! (Двічі)
Сяду собі на коничка,
Тай на войну поїду ! (Двічі)

А ту гора, а ту лес, а ту лес, а ту лес, а ту лес,
А за горов дівча єст, дівча єст, дівча єст, дівча єст.

Там на луці зеленій, зеленій, зеленій, зеленій,
Пасут ся там єлені, єлені, єлені, єлені.

Навертає їх дівча, їх дівча, їх дівча, їх дівча,
У хустині зеленій, зеленій, зеленій, зеленій.

Тото дівча — мой мила, мой мила, мой мила, мой мила,
Така гарда, як і я, як і я, як і я, як і я.

Я би орав, я би сяв, я би сяв, я би сяв, я би сяв,
Я би тото дівча взяв, дівча взяв, дівча взяв, дівча взяв.

Жеби знало косити, косити, косити, косити,
І за плугом ходити, ходити, ходити, ходити.

А тоді, а тоді веселенька била,
Як мя моя мамця на ручках носила. (Двічі)

Юж єм ся оженив, юж буду жену мав.
Юж я вас, дівчата, не буду любував. (Двічі)

Дівчата, дівчата, любуйтеся самі,
Ой бо наші хлопці любляться з жінками… (Двічі)

Фраїр мій, фраїр мій, а я його жена,
А я його жена, як ружа червена. (Двічі)

Фраїр мій, (Двічі) я тобі не вірю,
Же мя будеш любив, як ся зостарію. (Двічі)

Дівчатко, (Двічі) можеш мі вірити,
Же я тя не буду на старість любити. (Двічі)

А ти, мила, а ти, мила, штос думала, (Двічі)
Кед сой гвечер, кед сой гвечер зо мном стала,
Кед сой гвечер зо мном стала?

Тота єдна, тота єдна думка моя, (Двічі)
Же ти не мій, же ти не мій, я не твоя,
Душко моя. (Двічі)

Чого жес ся, чого жес ся погнівала, (Двічі)
Кой єс щиро, кой єс щиро не думала,
Душко моя. (Двічі)

Забуд, мила, забуд мила то гніваня, (Двічі)
Бо то било, бо то било не прощаня,
Душко моя. (Двічі)

Од тих думок, од тих думок серце болит, (Двічі)
Хто надвоє, хто надвоє серце ділит,
Душко моя. (Двічі)

Моя любов, моя любов зна лем тебе, (Двічі)
Не ход ку двом, не ход ку двом, прид до мене,
Душко моя. (Двічі)