Категорія: Співанки

Ой на горі, на горі квіток лелийовий,
Ой зорвий го, дівчатко, дай го фраїрови. (Двічі)

Ой хоц бим го зорвава, кому бим го дава,
Ой кой я в тім Розділлю фраїра не мава. (Двічі)

Ой не мава, не мава, але сой го знайду,
Ой лем сой пошумніше коо хвопци зайду. (Двічі)

Як не найду в Розділлю, то найду в Бонарці,
Ой лем мі треба піти пару раз на танці. (Двічі)

Ой пару раз на танці або на вечірки,
Ой такого сой знайду, як квіток маківки. (Двічі)

Ой товди я сой зорву квіток лелийовий
И припну го на груди свому фраїрови. (Двічі)

Ой місяче, місяченьку, чом так пізно сходжаєщ?
Така нічка не видная, де ся, милий, збираєш?

Збираюся, моя мила, збираюся в чужину.
Ночуй, ночуй, мій миленький, ночуй зі мною.

Не буду я, моя мила, єдну нічку ночував,
Бо ся бою, моя мила, жебим з тобом не заспав!

Ой мій Боже, што ся робит,
Милий до мя не приходит.
Ані нині, ані вчера,
Не витримам до вечера.

Сонце сходит і заходит,
А мій милий не приходит.
Ані довго, ані мало,
Ой мій Боже, што ся стало?

Ой дівчино, білий кришталь,
Я би к твому личку пристав.
Я би к твому не пристала —
Ти високий, а я мала.

Ти високий, як драбина —
Я маленька, як дитина.
Ти високий і тоненький —
Я маленька і кругленька.

Ой дівчино, шахри-махри,
Коло тебе зілля пахне.
Не так зілля, як ти сама,
На папери мальована.

Білом фарбом написана,
На папери мальована.
Ой дівчино, квітко моя,
Коли же ти будеш моя?

— Ой мила, миленька, яка з тя циганка, (Двічі)
Казалась мі прийти, сама дверка замкла.

— Ой я їх не замкла, замкла їх мамичка, (Двічі)
Жебим не пускала додом фраїречка.

— Фраїрю, фраїрю, я тобі не вірю, (Двічі)
Ци мя любить будеш, як ся зостарію?

— Фраїрочко моя, повім ти на віру, (Двічі)
Же я тя на старість любити не буду!

Ой ми, яко ми, на дівчата лакоми.
А дівчата за нами, хотят бути женами. (Двічі)

Ой ми, яко ми, не ходім женитись,
Бо на жени треба щоднини сварити. (Двічі)

Ой ми, яко ми, але Сидор лисий,
Ой пришли го до комори, буде лапав миши. (Двічі)