Категорія: Співанки

Ой заспівайте враз для пана млодого,
Дай му, Боже, щастя і женици його. (Двічі)

Дай му, Боже, щастя, дай му, Боже, здравля
Іще му, Боже, дай Боже, пожегнаня. (Двічі)

А Боже-Пребоже, деси любов гвили,
Нихто єй не оре, ани єй не сіє. (Двічі)

Якби єй орали, якби єй сіяли,
Не так би ся, не так люде любували. (Двічі)

Ой западай, сонечко, за гори, за доли, (Двічі)
Не повіч никому, же ня серце болит.

Юж сонечко зашло за гори, за доли, (Двічі)
А мене сердечко штораз веце болит.

Ой болит і мене серца половичка (Двічі)
Про тебе, шугаїчко, сива голубичка.

Ой забили Юрка в лісі на убочи, (Двічі)
Тілько капелюшок (Двічі)
В долину ся скотив.

Яка ж то причина, що забили Юрка? (Двічі)
Винна дівчинонька, (Двічі)
Що нараз двох любила!

Ой жено моя,
Чом ся не обуєш? (Двічі)
Зимна роса, а ти боса,
Здрав’я собі псуєш.
Зимна роса, а ти боса,
Здрав’я собі псуєш.

Ой мам я косу,
Але ньов не кошу, (Двічі)
Бо я свою косу
Коло себе ношу.
Бо я свою косу
Коло себе ношу.

Ой мам я лучку
В глибокій долині. (Двічі)
На ній трава, ни отава
Ниґда не загине.
На ній трава, ни отава
Ниґда не загине.

Ой мам я косу
Од самой осени. (Двічі)
Она косит, она косит
Коло самой земли.
Она косит, она косит
Коло самой земли.