Категорія: Співанки

ОЙ ДІТИ, МОЇ ДІТИ

Ой діти, мої діти, ой як сте мя обсіли,
Ой мав єм корець бобу, ой і то стемі ззіли.

Ой діти, мої діти, ой, як сте мя обсіли,
Ой бив і корец жита, ой, і то сте юж ззіли!

ОЙ ДИВНА, ДИВНА ВКРАЇНСЬКА РОДИНА (колядка)

Ой дивна, дивна вкраїнська родина,
Як до вечері сідає.
Кожде веселе, як та дитина,
Се бо Христос ся рождає!
Різдво Христове всі ми вітаєм,
Радуйся, радуй, вкраїнська Мати!

Рай у серденьку, ми під вікнами,
Нуте прийміть нас до столу.
Най все, що добре, сідає з нами.
Хочемо нині посполу
Нашим звичаєм колядувати
Радуйся, радуй, вкраїнська Мати!

Ангел небесний най між нас сходить
Нині із Божим дитятком.
Весь наш достаток і вас хоронить
Від недуг всяких, припадку,
Щоб рік від року разом співати
Радуйся, радуй, вкраїнська Мати!

Пчілка, худібка, щоб вам велося,
Хай час в достатку спливає,
Хай Божа Мати ласку і щастя
На ваші доми зсилає.
Щоби щасливо колядувати
Радуйся, радуй вкраїнська Мати!

ОЙ ГОРІЛА ЛИПКА, ГОРІЛА

Ой горіла липка, горіла, горіла,
А моя миленька, а моя миленька ой, йа, під ньов сиділа.

Як на ню іскерки падали, падали,
Вшитки за ньов хлопці, вшитки за ней хлопці ой, плакали, плакали…

ОЙ ГОРИ, ГОРИ, ГОРИ СУТ

Ой гори, гори, гори сут, (Двічі)
Тай попід гори бучки сут,
Тай і попід гори бучки сут.

Ой попід бучки лелия, (Двічі)
Што їх моя мила садила. (Двічі)

Тай до фартушка зберала, (Двічі)
Тай на милого волала: (Двічі)

Ой милий, милий, який жес, (Двічі)
Же ти чужи жени любуєш? (Двічі)

Ой чужи жени таки сут, (Двічі)
Што тя до ганьбички доведут. (Двічі)

Ой до ганьбички до такой, (Двічі)
Та й до постельки богатой. (Двічі)

Ой в той постельце добре спац, (Двічі)
Ани ся з ней не кце рано встац. (Двічі)

ОЙ ГОРИ МОЇ, ГОРИ

Ой гори мої, гори, ой гори і долини,
Ой кельо то я през вас, ой ходив до дівчини.

Не раз єм не вечеряв, лем за милом єм літав.
Ой горо, Буковино, получ мня з мойом милом.

Бо як ся розлучиме, два серця загубиме.
Два серця, штири очи будут плакац вден і вночи.