Ей, свашка, то я свашка,
Ей, юж єм пресващила.
Ей, остатню корову,
Ей, з дружбами пропила!
Ей, остатню корову,
Ей, з дружбами пропила!
Ей, наши пані свашки,
Ей, велики пиячки.
Ей, пропили зо себе,
Ей, остатні запаски!
Ей, пропили зо себе,
Ей, остатні запаски!
Ей, свашка, то я свашка,
Ей, премилена свашка.
Ей, кеби мі стояла,
Ей, перед ґембом фляшка!
Ей, кеби мі стояла,
Ей, перед ґембом фляшка!
Ей, погнівався мій наймиленьший
Без причини на мене.
Осідлав собі коня сивенького
І пішов пріч од мене.
Осідлав собі коня сивенького
І пішов пріч од мене.
Коби я мала вірну служеньку,
Післала бим по нього.
Най би приїхав, службу понехав,
Бо мі тяжко без нього.
Най би приїхав, службу понехав,
Бо мі тяжко без нього.
Волоньки мої половенькії,
Чом же мі не орете,
Літонька мої молоденькії,
Як мі марні гинете.
Літонька мої молоденькії,
Як мі марні гинете.
Світ мі, місячку, світ же мі ясні,
Ой яко млинське коло,
Вийди, дівчино, вийди, єдина,
Та прогвар до мене хоч слово.
Вийди, дівчино, вийди, єдина,
Та прогвар до мене хоч слово.
Ей, не зато я сьпівам,
Ей, бим весела била,
Ей, але зато сьпівам,
Ей, бо веселе серце мам.
Ей, сьпівам я сой, сьпівам.
Ей, голос гором іде,
Ей, миленького не мам,
Ей, то до мя не приде.
Ей, сьпівам я сой, сьпівам,
Ей, і буду сьпівати,
Ей, о рідних Карпатах,
Ей, не мож забувати.
Ей, бо наши гороньки,
Ей, зелени Карпати,
Ей, не тра оддавати
Ей, за жадни дукати!
Ей, мам я косу, але ньов не кошу,
Горі селом, долов селом на рамени ношу. (Двічі)
Ей, мам я лучку в широкій долині,
На ній травка і муравка ниґда не загине. (Двічі)
Ей, як я піду на ту лучку впростец,
Над поточком, при ярочку лучку буду косиц. (Двічі)
Ей, винесе мі їсти млода жена,
В білим чепци, вичесана, сардачком стиснена. (Двічі)
Ей, жено моя, чом ся не обуєш?
Зимна роса, а ти боса, здровля си зопсуєш. (Двічі)
Ей, мушу я їй гарди ціжми купити,
То ня буде жена моя завше міцно любити! (Двічі)
Ей, люляй мі, люляй, сиви очка стуляй.
І я бим стуляла, кебим сиви мала.
А я мам сіреньки, бобуню маленький.
Буду ти співати — а ти будеш спати.