Категорія: Співанки

Гора, гора горувата,
Моя мила волювата.
Гора, гора, ліс дубовий,
Не вір, дівча, парубкови.

Бо парубок гей, як лис,
Зрадит дівча-піде геть.
Сам сой піде в світ гуляти,
Дівча буде горювати.

Голосе, голосе, не дай ся змінити, Не дай ся змінити, (Двічі) Бо мі тебе треба гори веселити. Як я си заспівам на житній, на стерні, Почуют ня, мамцю, (Двічі) Почуют ня, мамцю, дома перед дверми. Голосе, голосе, пущу тя по росє, Най тя милий чує, (Двічі) Най тя милий чує, де коники пасе. Засвіт мі,… Читати далі ГОЛОСЕ, ГОЛОСЕ, НЕ ДАЙ СЯ ЗМІНИТИ

Головка ня болит, серце ся мі крає,
Коли мій миленький,
Коли мій миленький про ня забуває (Двічі)

Ей ви, чорни птахи, што в поли літате,
Смутни новиночки
Смутни новиночки, смутни розсилате. (Двічі)

Розсилате все їх по тім ярим полю.
Головонька болит
Головонька болит от велького жалю. (Двічі)

Гей, Яничку, гей, Яничку, оженься,
За чужими фраєрками не гонься.
Іщи овес при Токаю зелений,
Не буду я того рочку женений.

Як я піду на Мадяр, на Мадяр,
Кому ж тото перко дам, перко дам?
Кому тому — за дукат, за дукат,
А миленькій все лем так, все лем так.

Гей ти, коню, гей ти, коню, добре йдеш,
Дам я тебе подковац іще днес.
Дам ти овса, дам ти овса і сена,
Завези мя де є шварна дівчина.

Ой дівчино, не вір ми, не вір ми,
Бо я хлопец мандрівний, мандрівний.
Я мандрую туди-там, туди-там,
Де поверну — дівча мам, дівча мам.

Гей ти, циган шалений-шалений,
Міняймеся, міняймеся на жени,
Дам ти стару, дам ти стару за млоду
І капусти, і капусти заграду.

Ішов циган до леса, до леса,
Лем ся на нім чуганя потрясат.
Вшитки дівки на нього, на нього,
Же чуганя не його, не його.

Гей, як идеш попред нас,
Гей, помаленьки крачай.
Гей, єст там студенечка,
Та би ся не замачав.
Гей, єст там студенечка,
Та би ся не замачав.

Гей, а яка то добра,
Ей, тота фраїречка,
Што мі повідала,
Же єст там студенечка.
Што мі повідала,
Же єст там студенечка.

Гей, як йдеш попред нас,
Ей, не зазерай до нас,
Ей, бо ти в нашім дворі,
Ей, фраїречки не маш.
Ей, бо ти в нашім дворі,
Ей, фраїречки не маш.