МОЯ МИЛА ПРИ ЯРЕЧКУ, ШТО РОБИШ

Моя мила при яречку, што робиш?
Хусти перу, мій миленький, ти видиш.
Жебис прала і крутила, то би нич,
Кой ти плачеш і нарікаш — то є річ.
Жебис прала і крутила, то би нич,
Кой ти плачеш і нарікаш — то є річ.

Не плачу я, мій миленький, за нічим,
Лем за твоїм любуваням фалечним.
Фалечне, ти, мій миленький, серце маш,
Же ти мене, гей-я, бідну, понехаш.
Фалечне, ти, мій миленький, серце маш,
Же ти мене, гей-я, бідну, понехаш.

Понехаш мя, мій миленький, не дбам нич.
Тобі квитне розмария, а мі — нич!
Тобі квитне розмария-ружий квіт,
А мі гине за нелюбом марно світ!
Тобі квитне розмария-ружий квіт,
А мі гине за нелюбом марно світ!

Тобі квитне розмария-ружичка,
А мі плаче в колисочці Ганичка.
Тобі квитне розмария-фіялка,
Мене болит, не престає, головка!
Тобі квитне розмария-фіялка,
Мене болит, не престає, головка!