Позначка: лемківські пісні

КЕД Я СОЙ ЗАСПІВАМ НА ВИСОКІЙ ГОРІ

Кед я сой заспівам на високій горі, (Двічі)
Почує мя милий, (Двічі)
Але мя не спознат.

Кед я сой заспівам на високій горі, (Двічі)
Обізвеся голос (Двічі)
На милого дворі.

На милого дворі попід окенечком, (Двічі)
То мій милий повіст, (Двічі)
То мой фраїречка!

То мій милий повіст, то він собі рече. (Двічі)
То моє серденько (Двічі)
По горах щебече!

КЕД Я ПІДУ В ГОРОНЬКИ

Кед я піду в гороньки і в долиноньки, (Двічі)
Буду сльози витерав (Двічі)
З лиця гіроньки.

Пренещасна година, пренещасний день, (Двічі)
Ци я ся зо свой милой, зо свой наймиленьшой,
Іщи раз зийду ?

КЕД СОЙ ИШОВ З ПЕРЕЧИНА ДОДОМУ

Кед сой ишов з Перечина додому,
Застала мі чорна кура дорогу.
Гей-сьо, гей-сьо, чорна куро, додому,
Не заставай, не заставай
По дорозі никому.

Як ишов я з Перечина до Хусту,
Найшов я си вишиваную хустку.
Ой ци мила, ци не мила ю шила,
Лем би она, лем би она
Вишиваная била.

Як я ишла вчера вечер з панського,
Надибалам по дорозі милого.
Він мя стискав і притискав до себе,
Ой ци підеш, ци не підеш,
Моя мила, за мене?

КЕД СОЙ ИШОВ З АМЕРИКИ

Кед сой ишов з Америки,
Гей, додому, додому,
Здибав я там австріяка,
Гей, на коню, на коню.

Камераде австріяку,
Гей, як ся маш, як ся маш!
Ци жиє там француз Осиф,
Ей, цисар наш, цисар наш!

Ой ничого, камераде,
Ой ничого, ничого,
Гей, нема ту в нашім краю,
Гей, ничого доброго.

Ни пінязий, ни роботи,
Ни палюнки, ни хлеба,
Гей, лем в тоту Америку,
Гей, машировац треба.

КЕД СЕМ ІШОВ З КЕРЕШМЕЗУ КУ ПРАДЗЕ

Кед сем ішов з Керешмезу ку Прадзе,
Споткало ся шварне дзевча на дродзе,
Іди, іди, шварне дзевча, додому,
Не заставай ти на дродзе никому.
Іди, іди, шварне дзевча, додому,
Не заставай ти на дродзе никому.

Кед сем ішов з Керештура до Талії,
Бренкали ми подковечки, бренкали.
Лем ти мене, мій коничку, добре нес,
Дам я тебе підкувати єще днес.
Лем ти мене, мій коничку, добре нес,
Дам я тебе підкувати єще днес.