Позначка: Мшана

НА ГОРИ КРЯК — ПІД ВОДОМ ПНЯК

На гори кряк — під водом пняк.
Серед води — рибалоньки,
А в тім селі — дівонька,
Я тому рад.
Серед води — рибалоньки,
А в тім селі — дівонька,
Я тому рад

Дівча моє, серце моє,
Почекай мя до яри,
Аж заквитнут фіяли,
Будеш моя.
Почекай мя до яри,
Аж заквитнут фіяли,
Будеш моя.

Она ждала і чекала,
Не могла ся дочекати,
Не могла ся дочекати
До Михава.
Не могла ся дочекати,
Не могла ся дочекати
До Михава.

МАМ Я КРАСНУ ЗАГРАДЕЧКУ

Мам я красну заградечку,
Нихто не знат, што в ній мам.

Мам я красну заградечку,
Нихто не знат, што в ній мам.

Та лем тота фраїрочка,
Што она мойом буде.

Та лем тота фраїрочка,
Што она мойом буде.

Фраїрочка задримала,
Задримала, я заспав.

Фраїрочка задримала,
Задримала, я заспав.

А хто же мі, а хто же мі
З-за калапа перко взяв?

А хто же мі, а хто же мі
З-за калапа перко взяв?

МАВ ЄМ ФРАЇРОЧКУ

Мав єм фраїрочку з другой строни ярку. (Двічі)
Як єм до ней ходив, як єм до ней ходив, повамав єм лавку. (Двічі)

Пищавочка моя о десятох дзюрках (Двічі)
Не хтіва пискати, не хтіва пискати при богатих дівках. (Двічі)

Кед єм си подумав о худобний дівці, (Двічі)
Гнет мі запискава, гнет мі запискава на десятий дзюрці. (Двічі)

ЗАКУВАЛА ЗОЗУЛЕНЬКА, ЗАКУВАЛА ТАЙ КУЄ

Закувала зозуленька, закувала тай кує,
Повіч же мі, зозуленько, де мій милий ночує? (Двічі)

Ой чи в дворі, чи в кляшторі, чи поїхав з панами.
Повіч же мі, зозуленько, де мій милий, коханий? (Двічі)

На лелію воду лію,а на ружу не буду,
Погнівався мі миленький, перепрошац не буду. (Двічі)