Позначка: Вілька

МОЯ МИЛА ЧОРНОБРИВА ЗО СРОКОВЕЦ

Моя мила чорнобрива зо Сроковец,
А я тримам лем для тебе зо сто овец.
Зо сто овец і коничка,
Моя мила чорнобрива, біли личка.
Зо сто овец і коничка,
Моя мила чорнобрива, біли личка.

А ти, милий шугаїчку, з Вапенного,
Осідлай же мі коничка вороного,
Кониченька вороного,
А для мого шугаїчка молодого.
Кониченька вороного,
А для мого шугаїчка молодого.

КОПАВ, КОПАВ КЕРНИЧЕНЬКУ

Копав, копав керниченьку,
Викопав я дві,
Любив, любив дівчиноньку,
Людям — не собі.
Ой жаль, жаль серцю буде,
Возмут єї люде — моя не буде!

А вже з тої керниченьки
Орли воду п’ют.
А вже мою дівчиноньку
До шлюбу ведут!
Ой жаль, жаль серцю буде,
Возмут єї люде — моя не буде!

Один веде за рученьку,
Другий — за рукав.
А я стою, сльози лию —
Любив та не взяв.
Ой жаль, жаль серцю буде,
Возмут єї люде — моя не буде!

ЗАГРАЙ ЖЕ МІ ПОТРЯСКУ

Заграй же мі потряску,
Бом стратила, червена ружа, дробна фіалка,
Запаску.

Заграй же мі єще раз,
Бом стратила, червена ружа, дробна фіалка,
Другу зас.

Сяку-таку з квітами,
Штом стратила, червена ружа, дробна фіалка,
Від мами.