Blog

КУМО МОЯ, КУМО

Кумо моя, кумо, повічте кумови,
Ная ся не лакомит, най ся не лакомит
На мій кабат новий.
Ная ся не лакомит, най ся не лакомит
На мій кабат новий.

Бо тот кабат новий дорого коштує,
Я ся в него зберам, я ся в него зберам,
Він мені пасує.
Я ся в него зберам, я ся в него зберам,
Він мені пасує.

Кумо моя, кумо, повічте кумови,
Най продаст телицю, най продаст телицю
На свій кабат новий.
Най продаст телицю, най продаст телицю
На свій кабат новий.

КУМИ МАМ

Куми мам, куми мам, што їм дам?
Дам їм горівочки — пийте же, кумочки!

У нашого кума на оборі студня,
Будеме си пити завтра до полудня.

У нашої куми зелені фіранки,
Нема кума дома, пішов до коханки.

А пию я, пию, ищим не пияна,
Док ся не напиє до мя кума сама.

КУМЕ, КУМЕ, ДАЙТЕ ВИНА

Куме, куме, дайте вина,
Будете мати, куме, сина.
Ей, як не дасте, лем горівки
Будете мати сами дівки!
Ей, як не дасте, лем горівки
Будете мати сами дівки!

Ой куме, куме, дайте нам їсти,
Будете мати гарні діти.
Гей, а як дасте нам випити,
Будете мати веце діти!
Гей, а як дасте нам випити,
Будете мати веце діти!

Куме, куме, дайте пива,
Будете мати, куме, сина.
Ей, як не дасте, лем гербати,
Ей, не будете діти мати!
Ей, як не дасте, лем гербати,
Ей, не будете діти мати!

Наши кума таки красни,
Ей, як на небі звізди ясни.
Ей, звізди ясни нам сіяют,
Ей, наши кума процвитают!
Ей, звізди ясни нам сіяют,
Ей, наши кума процвитают!

КУКУЛЕЧКО, ДЕ ТИ БИЛА

Кукулечко, де ти, де ти била, де ти, де ти била,
Жес так давно
Не ку-не кукала? (Тричі)
Ку, ку, ку!

Я літала в тепли, я літала в тепли, в тепли краї,
Там де зими
Не би-не бивают. (Тричі)
Ку, ку, ку!

КУКАЙ ЖЕ МІ, КУКАЙ, ЗОЗУЛЕНЬКО РЯБА

Кукай же мі, кукай, зозуленько ряба,
Жебис викукала, кого виджу рада. (Двічі)

Кукай же мі, кукай в лісі на тополи,
Жеби ся мі розвив вершок яворовий. (Двічі)

Зозуля кукала, правду повідала,
Же я там не буду, дем ся виховала. (Двічі)

Співам я си, співам, хоц і я нич не мам,
Пташкове співают, хоц і нич не мают. (Двічі)