Blog

КУДЕЛИЦЬО ТИ МОЯ

Куделицьо ти моя зо самого срібла, (Двічі)
Што під тобом сідит біда не потрібна!

Кед собі превию на кудели клоча, (Двічі)
Ой то мя полюбит хлопец з-за убоча.

Ой пряду я, пряду тоненько на міхи, (Двічі)
Не било, не буде з милого потіхи.

КРУГОМ, ЖЕНЧИКИ, КРУГОМ

Кругом, женчики, кругом
Понад зеленим лугом.
Женчики кружеляють,
Пшениці дожинають.
Женчики кружеляють,
Пшениці дожинають.

Кінець нивоньці, кінець,
Будемо плести вінець.
То з жита, то з барвінку,
На хорошу дівку.
То з жита, то з барвінку,
На хорошу дівку.

Віночок зелененький,
Господар молоденький.
Ходить собі по сінцях,
Носить руки в кишенях.
Ходить собі по сінцях,
Носить руки в кишенях.

«Женчики мої милі,
Як же ви потомились,
Прошу я вас до хати,
Скажу горілки дати.»
Прошу я вас до хати,
Скажу горілки дати.»

КРОКОМ, КОНІ, КРОКОМ, ГОРИ ТИМ ПОТОКОМ

Кроком, коні, кроком, гори тим потоком.
Черкают молодці, червона ружа попід моїм вокном. (Двічі)

Хоц би сте черкали зрана до вечера,
Я ку вам не вийду, червена ружа, бом юж заручена. (Двічі)

КРАКІВСЬКА ШИНКАРКА

Краківська шинкарка
Пиво несе. (Тричі)
Лемківски воячки,
Напийте се,
Гей, ля тріля, напийтесе.

Мислиш, шинкарочко,
Же я малий, (Тричі)
Лем мі, качмаречко, пива налий,
Гей, ля тріля, пива налий!

Я си воячок,
Піняз мам дос. (Тричі)
Гей, ля тріля, як єден влос!
Гей, ля тріля, як єден влос!