Автор: admin

Гей, там на горі тернина,
Сподобала мі ся дівчина,
Сподобала мі ся сердечне,
Мушу її взяти конечне.

Гей, слухай, дівча, як ся маш,
Гей, ци мі свої гамбці даш,
Бо то твоя гамбця, яко м’юд,
Аж ся за ній хлопці б’ют.

Гей, поїхав мій милий аж до Гамерики. (Двічі)
Він ми висилає, гой-йо-йой,
Звідти долярики, боже мой.
Він ми висилає, гой-йо-йой,
Звідти долярики, боже мой.

Гей, я їх заміняю на крайову п’ятку. (Двічі)
Буду починала, гой-йо-йой,
В краю господарку, боже мой.
Буду починала, гой-йо-йой,
В краю господарку, боже мой.

Гей, повідав єс, же мя возмеш,
Гей, як на горі жито вижнеш.
Гей, гей, як на горі
Як на горі жито вижнеш.

Гей, а ти вижав і покосив,
Гей, до мене ся не зголосив.
Гей, гей, до мене ся
До мене ся не зголосив.

Гей, а ти вижав і пов’язав,
Гей, а до мене не одказав.
Гей, гей, а до мене,
А до мене не одказав.

Гей, а ти вижав і пшеничку,
Гей, мене не взяв за женичку.
Гей, гей, мене не взяв
Мене не взяв за женичку.

Гей, мам я косу, але ньов не кошу,
Горі селом, доли селом за пазухом ношу.

Гей, мам я косу, але неклепана,
Так бим косив (Двічі) до самого рана.

Гей, мам я косу до самих оцелин,
Як притисну, то мі возме попри самій земли.

Гей, до нас, небожата. Бо за нашом хижом, Гей, пшеничка не жата. Бо за нашом хижом, Гей, пшеничка не жата. Гей, пшеничка не жата, І овес не кошений. До нас, хлопці, до нас, Гей, котрий нема жени. До нас, хлопці, до нас, Гей, котрий нема жени. Гей, котрий нема жени, Тот не буде мав жалю, Як помашерує, Гей, до чужого краю. Як помашерує, Гей, до чужого краю. Гей, як я одтам піду, Гей, комуси жаль буде… Одпровадив бис мя, Гей, не вільно ти буде. Одпровадив бис мя, Гей, не вільно ти буде. Гей, одпровадив бис мя Через тоту горичку, Не вільно ти буде Через свою женичку. Не вільно ти буде Через свою женичку.