Вродилися терки меже горами, (Двічі)
Повідало шварне дівча, же піде з нами. (Двічі)
Но по нього пришли, мати не дала. (Двічі)
А штоби я без дівчати бідна почала? (Двічі)
Не є то, не є то, мамцю, як вам, (Двічі)
Сядете си на лавочці, а татуньо коло вас. (Двічі)
А я, небожатко, та лем все на пецу, (Двічі)
Обертамся з боку на бік, та лем болят плечи. (Двічі)
Вродилися терки за горами,
Підеме ми до них з кошиками.
Будеме торгати, будеме ламати
З конарами, з конарами.
Пришов би я до вас каждий вечер,
Пред вашими дверми велька мочар.
Прелож, мила, дручки, прейду помалючки
Каждий вечер, каждий вечір.
Пришов би я до вас каждий вечер,
Жеби сте мі дали, што бим я хтів.
Тото дівча шварне, што ма очка гарни,
То бим я хтів, то бим я хтів.
Пришов бим я до вас каждий вечер,
Жеби сте мі дали, што бим я хтів.
Не мисочку лену, а шварну Олену,
То бим я хтів, то бим я хтів.
Пришла бим я до вас, кед бим сміла,
Жеби сте мі дали, што бим хтіла.
Того шугаїчка, што ма біли личка,
То бим хтіла, то бим хтіла.
Воляре, воляре, де сте воли пасли?
Стратила я перстен, ци сте го не нашли?
Нашли зме го, нашли з тим зеленим очком,
Але зме го дали милій під облачком.
Воляре, воляре, де ви воли пасли? (Двічі)
Стратила єм хустку, може сте єй нашли
Ей, може сте єй нашли.
Нашли ми єй, нашли, але ти не даме, (Двічі)
Підеме до корчми та єй прогуляме,
Ей, та єй прогуляме.
Нес же мя, коню, нес през той зелений лес, (Двічі)
Занес мя до гаю, там я дівча маю.
Ей, там я мушу бити днес.
Кукурику воднє, кукурику вночи, (Двічі)
Кура когутови видзюбала очи,
Ей, видзюбала очи.
Возвеселімся всі купно нині,
Христос родився в бідній яскині.
Послідним віком став чоловіком,
всі утішайтесь на землі.
Послідним віком став чоловіком,
всі утішайтесь на землі.
Всі утішайтесь на землі гойно,
Хвалу віддайте Єму достойно.
Пожаданому, з неба даному,
Которий весь світ відкупив.
Пожаданому, з неба даному,
Которий весь світ відкупив.
І пастиріє со страхом бігли,
Там, де віл, осел Дитину гріли.
Ангели в небі в Єго потребі
Умильно пісні співають.
Ангели в небі в Єго потребі
Умильно пісні співають.
Пісні співають народженому,
Во яслах нині положеному,
І ми співаймо і вихваляймо,
Єго навіки славимо.
І ми співаймо і вихваляймо,
Єго навіки славимо.
Пісні співаймо согласно, мило,
І торжествуймо всі нині щиро,
«Слава во вишніх, а мир для нижніх»,
Весело світу гласімо.
«Слава во вишніх, а мир для нижніх»,
Весело світу гласімо.