Автор: admin

Ой наверни мі воли, ой, альбо не навертай,
Ой альбо ти мі, шельмо, голови не завертай. (Двічі)

Ой вломився мі дишлак, ой, медже волоньками,
Ой што ж я буду робив та з трьома фраїрками? (Двічі)

Ой єдна до вечері, ой, друга по вечері,
Ой третя по півночи, ой, што ма кари очи. (Двічі)

А повідж мі, дівчатко, ой, повідж мі докладні,
Ой чи мя любиш, чи ні, ей, бо зводиц неладні. (Двічі)

Ой а повідж, повідж, ой, або мі одповідж,
Ой а най я не ходжу, ей, на тот нижній конец. (Двічі)

Ой бо тот нижний конец, ей, розмарийом пахне,
Ой а моє серденько, ей, все до нього тягне. (Двічі)

Ой повідж мі, ей, повідж мі наразі,
Ой най мої коники, ей, не стоят на дрозі. (Двічі)

Ей, бо мої коники, ой, вельо мя коштуют,
Ой ани єдну нічку, ей, дома не ночуют. (Двічі)

Ой на Яна, на Янонька,
Не палена собітонька.

Не палена і не буде,
Док святий Ян не приїде.

Як святий Ян приїхавши,
Собітоньку розпаливши,

Тоді будем говорити,
Кого маєм з ким злучити.

Гоці, гоці на потоці,
Два голубці воду пили.

Пили, пили, скамутили
І на інші полетіли.

Сіли собі на явора
Тай зачали говорити.

Тай зачали говорити,
Кого мают з ким злучити.

А в Барана-гарний Петрусь,
А в Пелеха-красна Євця.

Треба би їх получити,
І на глога положити.

Як на глога, то на люде,
Шо май бити, то най буде!

Ой на прядки, на прядки дівчатко ходило,
Сіло собі на припецок та й нитку точило.

Ой кудільо, кудільо де я тя подію!
Куділь шмарю до шанцу, сама піду до танцу.

Ой прядка я, прядка, загнала мя матка,
Ищи ку мі приде моя камарадка.

Ой пряду я, пряду, не найду си раду.
Юж бим си поспала, і веце не пряла!

Ой дівча невеселе, чом же не співаєш,
А в тих пізних годиночках хлопця виглядаєш?

Ой не хлопця, не хлопця, виглядам я днеска,
Мама казала мі прясти, а не за хлопцем ся трясти.

Ой на луці зеленій (Двічі)
Пасутся там єлені. (Двічі)

Проходится Яничек (Двічі)
В камізельці зеленій. (Двічі)

Кед би ти, мій Яничку, (Двічі)
Поімав мі оленя. (Двічі)

Сподобала би мі ся (Двічі)
Камізелька зелена. (Двічі)