Автор: admin

НА ПОЛИ, НА ПОЛИ

На поли, на поли,
Ой деревце зелене,
Повідж мі, дівчатко,
Ой ци підеш за мене.

А не знам я, не знам,
Ой як тобі сказати,
Хоче мене мама
Ой. за другого дати.

Писала бим листок,
Ой писати не знаю,
Сама я молода,
Ой дороги не знаю.

Дівчина молода
Ой дороги не знає,
Хоц она молода,
А зводит юж знає.

Як я воли пасав,
Ой дост я ся наплакав,
Не так за волами,
Ей, як за дівчатами.

НА ПОДОЛЮ БІЛИЙ КАМІН

На подолю білий камін, (Двічі)
Подолянка сідит на нім. (Двічі)

Сідит, сідит, вінок виє (Двічі)
З білой ружи і лелиї. (Двічі)

Прийшов до неї подолянок: (Двічі)
Подолянко, дай мі вінок. (Двічі)

Я бим тобі вінок дала, (Двічі)
Бим ся тата не бояла. (Двічі)

Не так тата, яко брата, (Двічі)
Бо брат гірший єст од тата. (Двічі)

НА ПОДВІР’Ю СТАВ

На подвір’ю став, де ти таку взяв? (Двічі)
А бив я там в Україні,
Люде мі єй нараїли,
Пан Біш мі єй дав.

Пан Біг мі єй дав, отец записав (Двічі)
Половину маєтности,
Дає дівку до любости,
Дівці дарував.

І мати также дівці дарує (Двічі)
Половину маєтности,
Дає дівку до любости,
Дівці дарує.

НА ПЕЦУ МОЛОТИВ

На пецу молотив, за пецом віяв,
Жена го сварила, а він ся сміяв.
Тепер лем ся розскакала, Тепер же мі грайте.
Чорним бути попраскала, червени мі дайте.
Чорним бути до роботи, червени до танцю.
Мам я пальці дрітуванці, то їх не потрачу.

Шила сом чепчики, вишивала сом
Зеленим, червеним, білим гарасом.
Тепер жем ся розскакала, тепер мені грайте,
Чорним бути попраскала, червени мі дайте!
Чорни бути до роботи, червени до танцю,
Чом же зо мном не танцуєш, фалечний Іванцю?

Трубаче трубіли, музика грала,
Мій милий танцював, а я плакала.
Тепер жем ся розскакала, тепер же мі грайте,
Чорним бути попраскала, червени мі дайте!
Чорни бути до роботи, червени до танцю,
Под же зо мном танцювати, шалений Іванцю!

НА ОРДАНСЬКІЙ РІЧЦІ ТИХА ВОДА СТОЯЛА (колядка)

На Орданській річці тиха вода стояла, а…
Ой там Мати Божа Йсуса Христа купала.

А скупавши, у шовкове повила,
А сповивши, у ясельця поклала.

А над тими яслами сірі воли стояли,
На святе Дитятко своїм дихом дихали.

На святе Дитятко своїм дихом дихали,
Поки Йсуса Христа із яселець узяли.

Взяли Йсуса Христа, на престолі поклали,
А коло престолу три ангели літали.