Автор: admin

Наверни сой волки к собі,
І прид до мя — повім тобі.
Явор, явор, яворів лист,
Яка же то, миленька, віст?

Я мильшого од тебе мам,
Волки свої навертай сам.
Явор, явор, яворів лист,
Зла про тебе, миленький, віст.

Кед ти, милий, серця не маш,
Гуляй собі, гуляй, гуляй.
Явор, явор, яворів гай,
На прощання ручку мі дай.

На широкій меджи грушка конариста, (Двічі)
Юж ся похилила (Двічі)
Доєдна галузка.
Юж ся похилила (Двічі)
Доєдна галузка.

Доєдна галузка і вершок ся зламав. (Двічі)
Парадний паробок (Двічі)
З дівчатма в карти грав.
Парадний паробок (Двічі)
З дівчатма в карти грав.

Грали они грали, полігали спати. (Двічі)
Прилетів білий птах, (Двічі)
Почав їх зганяти.
Прилетів білий птах, (Двічі)
Почав їх зганяти.

Вставай, дівча, вставай, юж єс ся виспала. (Двічі)
Твій зелений вінец (Двічі)
Бистра вода взяла.
Твій зелений вінец (Двічі)
Бистра вода взяла.

Ой як си го взяла, нехай си го несе, (Двічі)
Ми ся побудиме, (Двічі)
Ми го здогониме.
Ми ся побудиме, (Двічі)
Ми го здогониме.

В калиновім лесє вода древко несе, (Двічі)
Сідит на нім дівча, (Двічі)
Довги власи чеше.
Сідит на нім дівча, (Двічі)
Довги власи чеше.

Чесала, чесала і гірко плакала,
Же юж свій віночок (Двічі)
На картах програла.
Же юж свій віночок (Двічі)
На картах програла.

Ой вінку, мій вінку, з доброго барвінку,
Як я тя тримала (Двічі)
В скрині, в перескринку.
Як я тя тримала (Двічі)
В скрині, в перескринку.

Не могла я тебе довше затримати. (Двічі)
Пришли добри люде, (Двічі)
Мусіла м тя дати.
Пришли добри люде, (Двічі)
Мусіла м тя дати.

В калиновім лесє улан коня чеше,
Шабльом траву косит, (Двічі)
Коникови носит.
Шабльом траву косит, (Двічі)
Коникови носит.