Автор: admin

МИЛА МОЯ, ЯК СЯ МАШ

Мила моя, як ся маш, як ся маш,Випровад ня, де лем знаш, де лем знаш.Там на лучку зелену, зелену,Під черешню червену, червену.Там на лучку зелену, зелену,Під черешню червену, червену. Мила моя, не слухай никого,Лем ся тримай розуму свойого.Хоц бис мала лем єдно кабатя,Мила моя, не зохаблю я тя.Хоц бис мала лем єдно кабатя,Мила моя, не… Читати далі МИЛА МОЯ, ЯК СЯ МАШ

МИЛА МОЯ, ЧОМ ТИ ТАКА БЛЯДА

Мила моя, чом ти така бляда,
Ци та хвора, чи ся любиш рада?
Ним не хвора, ни ся люблю рада,
Стоїт пред мя превелика зрада.

Мила моя, не слухай никого,
Лем ся тримай розуму свойого,
Хоц ти будеш лем в єднім кабаті,
Мила моя, не зоставлю я тя.

Мила моя, нич не будеш робиц,
Лем мі будеш все так красні ходиц.
Наша мітла сама хижу мете,
Під облачком бистра вода тече.

На горбочку червени ягоди,
Повідж, мила, хто до тебе ходит?
Не повім я, мій миленький, тобі,
Не будеш знав — не буде жаль тобі.

На горбочку червени малини
Качаються згори до долини.
А Боже мій, хто мі їх позберат,
Кед мій милий ся на мене гніват.

МИЛА МОЯ, ВОЗЬМУ Я ТЯ

Мила моя, возьму я тя,
Кед лем приду з войни до тя.
Прийду з войни, той шаленой,
До свой милой, премиленой.
Прийду з войни, той шаленой,
До свой милой, премиленой.

Мила моя, чекай на мня,
Дрібни листи все пиш до мня.
Дрібни листи написани,
Зо слезами покапани.
Дрібни листи написани,
Зо слезами покапани.

Кед я піду машерувац,
Дам я собі коня кувац.
А за калап возму квітя,
Мила моя, барз люблю тя!
А за калап возму квітя,
Мила моя, барз люблю тя!

МИЛА МОЯ НА КИЧЕРИ СТАЛА

Мила моя на кичери стала,
І на мене смутні позерала.
Мила моя, не позерай смутнє,
Бо мі зараз моє серце лупне!

Мила моя, не слухай никого,
Лем ся тримай розуму свойого.
Хоц бис мала єдно кабатя,
Мила моя, не зохаблю я тя!

МИ, ЦИҐАНЄ, НИЧ НЕ МАМЕ

Ми, циґанє, нич не маме,
Лем гушельки смерекови, тай си граме! (Двічі)

Я сой циґан, што вандрую,
А як піду горі селом, підскакую. (Двічі)

Я сой циган, чорни лиця,
Любит мене циґаночка-красавиця. (Двічі)

Віз заскрипів, пес забрехав,
А до мойой циганочки сват приїхав. (Двічі)

Бо циґани добри люде,
Виховали циґаночку в чорной буде. (Двічі)

Ми, циґанє, нич не маме,
Лем гушельки смерекови, тай все граме! (Двічі)