Автор: admin

ЛЕТІЛИ ЛЕБЕДІ

Летіли лебеді через став, (Двічі)Просили водиці, я не дав. (Двічі) І крильцями били по леду, (Двічі)Солодша дівчина від меду. (Двічі) На високій горі шальвія, (Двічі)Тоту дівчиноньку взяв би я. (Двічі) Упало дівча до дяки, (Двічі)Не любив го іще ніякий. (Двічі) Співала Антоніна Плеш, село Волиця Антологія лемківської пісні /Упорядник М. Байко/. — Львів, Видавнича фірма… Читати далі ЛЕТІЛИ ЛЕБЕДІ

ЛЕТІЛА ПАВА, ЛЕТІЛА

Летіла пава, летіла, (Двічі)
Злоте перечко згубила. (Двічі)

Летіла пава без гори (Двічі)
До свойой любой матери. (Двічі)

Там єй весіля стояло, (Двічі)
Там шість труб грало, ой грало. (Двічі)

Ой грайте труби і баси, (Двічі)
Згадаю дівоцькі часи. (Двічі)

Грайте, гудаки, весело, (Двічі)
Закля мій вінок над чолом. (Двічі)

Як я ся вінка позбуду, (Двічі)
Така весела не буду! (Двічі)

ЛЕТІВ ЗАЯЦ БЕРЕГАМИ

Летів заяц берегами
Капусту садити .
Вкусила го муха-суха,
Казав єй забити.
Вкусила го муха-суха,
Казав єй забити.

А з той мухи- два кожухи,
Треті — ногавиці.
Што зостане од ногавиц —
Будут рукавиці.
Што зостане од ногавиц —
Будут рукавиці.

ЛЕТ, СОКОЛЕ, ПРЕЗ ГОРУ, ПРЕЗ ЗЕЛЕНИЙ ГАЙ

Лет, соколе, през гору, през зелений гай. (Двічі)
А повіч там добриден,
Же я плачу каждий ден мому милому.
А повіч там добриден,
Же я плачу каждий ден мому милому.

А він од мня одишов, веце й не пришов, (Двічі)
Бо він собі фраїрку
На тим селі, за горком, він юж си нашов.
Бо він собі фраїрку
На тим селі, за горком, він юж си нашов.

Соколе мій, соколе, повіч мі, соколе, (Двічі)
Ци мій милий присягав,
Же іншій перстеник дав, як на мня чекав?
Ци мій милий присягав,
Же іншій перстеник дав, як на мня чекав?

ЛЕМКО Я

Лемко я, лемко я з-під самого горба.
На горі єм співав, (Двічі)
В тернині кози м пас.

Кози єм навертав, пальці єм позбивав.
Як мила кликала, (Двічі)
Коза мі втікала.

Ти, коза, не втікай, ти, мила, зачекай.
Коза не чекала (Двічі)
Мила зачекала.

Кози м не навернув, милу єм пригорнув.
Коза зерно зіла, (Двічі)
Мила бита била.