Автор: admin

ЛЕМКІВСКА ШИНКАРКА ПИВО НЕСЕ

КУПАЛАС НЯ, МАМЦЮ

Купалас ня, мамцю, в каламутній воді, (Двічі)
Далас за такого, далас за такого, тепер плачме обі. (Двічі)

Яка вода пришла, в такій м тя купала, (Двічі)
Який шугай пришов, який шугай пришов — за такого м дала. (Двічі)

Купалас ня, мамцю, в солодкім молоці, (Двічі)
Тепер ся не гнівай, тепер ся не гнівай же ня люблят хлопці. (Двічі)

КУМО МОЯ, КУМО

Кумо моя, кумо, повічте кумови,
Ная ся не лакомит, най ся не лакомит
На мій кабат новий.
Ная ся не лакомит, най ся не лакомит
На мій кабат новий.

Бо тот кабат новий дорого коштує,
Я ся в него зберам, я ся в него зберам,
Він мені пасує.
Я ся в него зберам, я ся в него зберам,
Він мені пасує.

Кумо моя, кумо, повічте кумови,
Най продаст телицю, най продаст телицю
На свій кабат новий.
Най продаст телицю, най продаст телицю
На свій кабат новий.

КУМИ МАМ

Куми мам, куми мам, што їм дам?
Дам їм горівочки — пийте же, кумочки!

У нашого кума на оборі студня,
Будеме си пити завтра до полудня.

У нашої куми зелені фіранки,
Нема кума дома, пішов до коханки.

А пию я, пию, ищим не пияна,
Док ся не напиє до мя кума сама.

КУМЕ, КУМЕ, ДАЙТЕ ВИНА

Куме, куме, дайте вина,
Будете мати, куме, сина.
Ей, як не дасте, лем горівки
Будете мати сами дівки!
Ей, як не дасте, лем горівки
Будете мати сами дівки!

Ой куме, куме, дайте нам їсти,
Будете мати гарні діти.
Гей, а як дасте нам випити,
Будете мати веце діти!
Гей, а як дасте нам випити,
Будете мати веце діти!

Куме, куме, дайте пива,
Будете мати, куме, сина.
Ей, як не дасте, лем гербати,
Ей, не будете діти мати!
Ей, як не дасте, лем гербати,
Ей, не будете діти мати!

Наши кума таки красни,
Ей, як на небі звізди ясни.
Ей, звізди ясни нам сіяют,
Ей, наши кума процвитают!
Ей, звізди ясни нам сіяют,
Ей, наши кума процвитают!