А під нашим оконечком красна заградка.
Гей, проходится моя мила по ній барз гарда, по ній барз гарда. (Двічі)
Прибератся на каждий ден, яко в неділю,
Гей, пише листи миленькому кажду годину, кажду годину. (Двічі)
А він же їй так відписав, же він єй не хце.
Гей, же він собі полюбує дівча шварненьке, дівча шварненьке. (Двічі)
Сідит мила за столиком, шати вишиват,
Гей, йде милий попід вікном, она умліват, она умліват. (Двічі)
Не умлівай, моя мила, — можеш ти мня мац,
Гей, як зозуля на Новий рік три раз закуват, три раз закуват. (Двічі)
Не звод ти мня, фалечник, бо я не глуха,
Гей, бо зозуля на Новий рік ниґда не кукат, ниґда не кукат. (Двічі)
Вшитко Пан Біг добре знає і так може дац,
Гей, же зозуля на Новий рік може закувац, може закувац. (Двічі)