Категорія: Різне

Ой на прядки, на прядки дівчатко ходило,
Сіло собі на припецок та й нитку точило.

Ой кудільо, кудільо де я тя подію!
Куділь шмарю до шанцу, сама піду до танцу.

Ой прядка я, прядка, загнала мя матка,
Ищи ку мі приде моя камарадка.

Ой пряду я, пряду, не найду си раду.
Юж бим си поспала, і веце не пряла!

Ой дівча невеселе, чом же не співаєш,
А в тих пізних годиночках хлопця виглядаєш?

Ой не хлопця, не хлопця, виглядам я днеска,
Мама казала мі прясти, а не за хлопцем ся трясти.

Ой на луці зеленій (Двічі)
Пасутся там єлені. (Двічі)

Проходится Яничек (Двічі)
В камізельці зеленій. (Двічі)

Кед би ти, мій Яничку, (Двічі)
Поімав мі оленя. (Двічі)

Сподобала би мі ся (Двічі)
Камізелька зелена. (Двічі)

Ой на зеленій межи,
Ой зелененька грушка.
Ой похилилася їй,
Ой та єдна галузка.

Галузь ся похилила,
Ой вершок ся їй зламав.
Ой парадний паробок,
Ой з дівчатком в карти грав.

Ой грали они, грали,
Ой полігали спати.
Ой пришов їх, пришов
Та сивий птах зганяти.

Ой ставай, Ганцю, горе,
Ой юж єсь ся виспала.
Ой бо юж твій віночок
Та бистра вода взяла.

Ой на гороньці в золотій хатоньці.
Там грають, там грають,
Грають кобзарі на золотії цимбали.

Ой ясна-красна на небі зоря.
Там грають, там грають,
Грають кобзарі на золотії цимбали.

А ще найкраша панна Ганночка.
Там грають, там грають,
Грають кобзарі на золотії цимбали.

Сплела віночок, пішла в таночок.
Там грають, там грають,
Грають кобзарі на золотії цимбали.

Прийшов до неї батенько її.
Там грають, там грають,
Грають кобзарі на золотії цимбали.

«Ганночко моя, додому пора».
Там грають, там грають,
Грають кобзарі на золотії цимбали.

«Таночок дійду, додому піду»,
Там грають, там грають,
Грають кобзарі на золотії цимбали.

Таночка дійшла та в другий пішла.
Там грають, там грають,
Грають кобзарі на золотії цимбали.

Прийшла до неї матінка її.
Там грають, там грають,
Грають кобзарі на золотії цимбали.

«Ганночко моя, додому пора».
Там грають, там грають,
Грають кобзарі на золотії цимбали.

«Таночок дійду, додому піду».
Там грають, там грають,
Грають кобзарі на золотії цимбали.

Таночок дійшла, та й в третій пішла.
Там грають, там грають,
Грають кобзарі на золотії цимбали.

Прийшов до неї миленький її.
Там грають, там грають,
Грають кобзарі на золотії цимбали.

«Ганночко моя, додому пора».
Там грають, там грають,
Грають кобзарі на золотії цимбали.

«Таночок дійду, додому піду».
Там грають, там грають,
Грають кобзарі на золотії цимбали.

Таночок дійшла, додому пішла.
Там грають, там грають,
Грають кобзарі на золотії цимбали.

Ой на горі, на горі квіток лелийовий,
Ой зорвий го, дівчатко, дай го фраїрови. (Двічі)

Ой хоц бим го зорвава, кому бим го дава,
Ой кой я в тім Розділлю фраїра не мава. (Двічі)

Ой не мава, не мава, але сой го знайду,
Ой лем сой пошумніше коо хвопци зайду. (Двічі)

Як не найду в Розділлю, то найду в Бонарці,
Ой лем мі треба піти пару раз на танці. (Двічі)

Ой пару раз на танці або на вечірки,
Ой такого сой знайду, як квіток маківки. (Двічі)

Ой товди я сой зорву квіток лелийовий
И припну го на груди свому фраїрови. (Двічі)