Категорія: Різне

Не пий, Янку, не пий воду.
Вода піде ти на шкоду.
Але ти ся напий вина,
То є добра медицина.
Але ти ся напий вина,
То є добра медицина.

Придте, хлопці, придте до нас.
Будеме пити вера зас
Того винка червеного,
Што до личка рум’яного.
Того винка червеного,
Што до личка рум’яного.

Не мелем, не мелем, не мелем, не мелем,
Забрала мі вода млин.
Ой штири кола понесла їх доокола
Не мелем, не мелем, не мелем, не мелем,
Забрала мі вода млин.

Спомни си, спомни си, спомни, спомни си,
Моя мила, спомни си.
Спомни собі тоти часи,
Як ми з тобов гуси пасли,
Спомни си, спомни си, спомни, спомни си,
Моя мила, спомни си.

Нич не мам, нич не мам, нич не мам, нич не мам,
Та лем тото ремесло.
Пущу кола доокола,
Сяду собі коло стола.
Нич не мам, нич не мам, нич не мам, нич не мам,
Та лем тото ремесло.

Юж мелем, юж мелем, юж мелем, юж мелем,
Принесла мі вода млин.
Принесла мі штири кола,
Поставила доокола.
Юж мелем, юж мелем, юж мелем, юж мелем,
Принесла мі вода млин.

Не мам я позору та лем на тоту гору,
Де мі добрі видно (Двічі)
Мамину комору.

Піду до свекрухи, ой стану на порозі —
Мої співаночки (Двічі)
В далекій дорозі.

Як я си заспівам, ей на високій горі,
То аж голос піде (Двічі)
В маминій коморі.

Так жесь мя, мамичко, та щасливо видала.
Нема годиноньки, (Двічі)
Жебим не плакала.

Ні такой години, ой ні такої ночи,
Жеби не плакали (Двічі)
Мої сиви очи.

Мамо моя, мамо, ой тяжко сь мя ховала.
Яка ледач пришла, (Двічі)
За таку сь мя дала.

Яка ледач пришла, та велька ледачина,
Шкода, Боже, смотрить (Двічі)
Чорнима очима.

Ні з біди бесіди, ані з біди подоби,
Лем біду трутити (Двічі)
З берега до води.

Ні з том бідом лечи, ані му слівце речи.
Та лем біда фучит (Двічі)
Поза мої плечи.

Як я си заспівам, ой далеко мя чути,
Аж на тоту гору, (Двічі)
Де я мала бути.

Не мам я позору та лем на тоту гору,
Де мій милий возит (Двічі)
Древко на комору.

Не мам позераня та лем на того Ваня,
Мі ся подобало (Двічі)
Його любуваня.

Кувала зозуля, ой в хаті на загаті,
Тяжко привикати (Двічі)
У свекриній хаті.

Не мам я голосу, (Двічі)
Ей, не мам я гардого,
Бом ся не навчила, (Двічі)
Бо не малам од кого.

Бо наші мамуся (Двічі)
Часто не співали,
Лем ся все старали, (Двічі)
Ей, жеб нас дуже мали.

Не лій, дойджик, не лій,
Бо ти не казали,
Не лій, дойджик, не лій,
Бо ти не казали,
Бо мали пастушки
До поля вигнали,
Гей, до поля вигнали.

Не лій, дойджик, не лій,
Бо ти не казали,
Не лій, дойджик, не лій,
Бо ти не казали,
Бо мене, сироту,
На поле вигнали,
Гей, на поле вигнали.

На поле вигнали,
Меринді не дали, *
На поле вигнали,
Меринді не дали,
Не лій, дойджик, не лій,
Бо ти не казали,
Гей, бо ти не казали.

На поле вигнали,
Загортки не дали,
На поле вигнали,
Загортки не дали,
Не лій, дойджик, не лій,
Бо ти не казали,
Гей, бо ти не казали.

Не лій, дойджик, не лій,
Бо тя ту не треба,
Не лій, дойджик, не лій,
Бо тя ту не треба,
Обийд поза гори,
Вернийся до неба,
Гей, вернийся до неба.