Різне – Сторінка 59 – Молода Лемківщина

НЕ БИЙ МЕНЕ, МУЖУ, ВНОЧИ

Не бий мене, мужу, вночи, (Тричі)
Бо мі виб’єш кари очи.

Прийде, мужу, біла днина (Тричі)
Повідж, мужу, штом ти винна?

А як добре поміркуєш, (Тричі)
То мі шиткой подаруєш.

Не биво то, як то гвони,
Биви ябка на ябвони.
Биви сладки, биви квасни,
А в Розділю дівки красни.

Биви сладки, биви квасни,
А в Розділю дівки красни.

Красни, красни, краснисіцькі,
Мають ґамбці солодзіцькі.
Як єм єдну поцілував,
Сім раз єм ся облизував.

Як єм єдну поцілував,
Сім раз єм ся облизував.

Наштос, дівча, зьвяндало,
Же мя будеш кохало,

А як прийшло до того —
Полюбилос другого.

Нич то, моя мила, нич,
Же я мушу вояк биц,

Бо то вшитко про тебе,
Же я ходив до тебе.

Наш кумонько, наш кумонько справедливий,
Вималював образочок, але живий.

Ой Боже, ой, Боже, што робити мам,
Ой де я тот образочок повожити мам?

Повожу го на полицю — закурится,
Повожу го під перину — задусится.

Ой Боже, ой, Боже, юж тепер знам,
Же я тот образочок ковисати мам.

Народився Ісус Христос во Вифлеємі.
Ознаймила ясна звізда по всій вселенній.
То ж то радуймося, купно весельмося о Спасі нашім.

Он во яслах лежит красний, як невиннятко.
Ісус Христос, спаситель наш, малой дитятко.
Ангели му співают, пастирі му дар дают — ягня і козля.

Наш маленький, што ж Ти дамо, новороджений,
Од пастирів і од царів обдарований.
А ми дар не маймо, тілько Ти заспіваймо: «Слава во вишніх».