Категорія: Різне

НЕ ЄДНА ДІВЧИНА В СЕЛІ ХЛОПЦЯ МАЄ

Не єдна дівчина в селі хлопця має
А мі сиротині нич ся не трафляє (Двічі)

Піду я на музику — хлопці сой співают,
Берут дівчат в танец, а мене минают. (Двічі)

Сиджу я си, сиджу і так си думаю:
Нихто мя не хоче, бо поля не маю. (Двічі)

Де широка вода на тихім Дунаю,
Піду та й втоплюся, бо долі не маю. (Двічі)

Мамцю, моя мамцю, што єс ти зробила,
Же єс мене сироту без поля лишила. (Двічі)

НЕ ВСТУПИМЕСЯ З КУТА

Не вступимеся з кута, (Двічі)
Покля не дате дукат.

Грайте, гудаки, різко, (Двічі)
Кланяйся, Марись, низко.

Як вітцю, так матоньці, (Двічі)
Так цілой родиноньці.

НЕ БУДУ Я КАПУСТОЧКУ ЇВА

Не буду я капусточку їва,
Бо би мене голова боліва.
Але буду палюночку пити,
Не буде мя голова боліти.
Але буду палюночку пити,
Не буде мя голова боліти.

Не буду я їва смаржи,
Бо ся на ня Янчик скаржит.
Лем буду я їва книши,
Не зідят нам житко миши.
Лем буду я їва книши,
Не зідят нам житко миши.

НЕ БУДУ ДРІБНИЙ ОВЕС КОСИВ

Не буду, не буду дрібний овес косив,
Піду до Сяночка, піду до Сяночка, буду шаблю носив. (Двічі)

Як єм шов до війська, музичка мі грала.
Люде ся дивили, люде ся дивили, а мила плакала. (Двічі)

В Сяноці на ринку світится ліхтарня,
Сімнадцятий нумер, сімнадцятий нумер — то моя касарня. (Двічі)

Бодай та касарня била ся запала!
Не єдна мамуся, не єдна мамуся за сином плакала… (Двічі)

Опрацював Іван Майчик, село Одрехова

Антологія лемківської пісні /Упор

НЕ БУДЕМЕ ЇСТИ, НЕ БУДЕМЕ ПИТИ